Cebuano News: Mga Pinoy sa Nagasaki, Japan, dili mupa-uli sa Pilipinas
BUTUAN CITY, April 17 (PIA) - Wala'y planong mupa-uli sa Pilipinas ang mga Pinoy nga nagpuyo sa Nagasaki, Japan.
Kini ang tubag ni Carol Medrano-Zamodia sa panawagan sa administrasyong Aquino kalabot sa repatriation sa mga overseas Filipino workers kon OFWs nga nagpuyo sa Japan aron paglikay sa epekto sa radiation human gi-isa ngadto sa crisis level 7 ang palibot sa Fukushima Daicchi nuclear plant.
Sa pakighinabi, gibutyag sa taga-Brgy. Buhangin nga si Carol kinsa didto na pirme nagpuyo sa Japan, nga malinawon og wala'y problema ang ilang lugar kansa layo ra kaayo sa mga dapit nga apektado sa linog og radiation scare.
Gani sa telebisyon lang nila makita ang sitwasyon sa ubang lugar sa maong nasud. Igo lang siyang mikatawa sa panawagan sa kagamhanan nga papa-ulion na ang mga OFWs tungod kay wala sila'y nadawat nga balita sa ilang lugar nga papa-ulion na sila sa nasud.
Gani, iya pang gisaysay nga gikan sa ilang lugar, lima ka oras pa nga sakyon og eroplano adiser maka-abot sa Fukushima nga maoy sentro sa radiation threat. (BR-PIA Caraga)
.
Cebuano News: Pagpatuman sa Spanish project alang sa mga LGU, ginpangunahan ni DILG Sec. Robredo
BUTUAN CITY, April 17 (PIA) - Mang-apod apod og computer sets si Department of the Interior and Local Government (DILG) Sec. Jesse Robredo sa mga piniling local government units ning rehiyon atol sa iyang pagdalikyat dinhi sa Caraga karong buwan sa Mayo.
Sigon ni DILG-Caraga regional director Atty. Rene Burdeos, pangunahan mismo sa kalihim ang pagpatuman sa proyektong Agencia EspaΓ±ola Cooperacion Internacional Para El Desarollo kon Spanish Agency for International Cooperation and Development.
Tumong niini nga ang mga local government units nga wala pa'y computer nga magamit sa ilang operasyon sama sa pagproseso sa mga business permits og uban pang licensing system, mapadali ang ilang trabaho. (BR/PIA-Caraga)
.
Cebuano News: 1 sa top 10 most wanted person sa Surigao City, nadakpan sa kapulisan
BUTUAN CITY - Nasikop sa intelligence personnel sa Surigao City Police Precinct 2 ang usa sa top 10 most wanted person sa maong siyudad human kini nasapon sa may Purok 5, Sitio Tagbangkaan, Brgy. Orok, bag-ohay palang.
Nasikop ang 25-anyos nga ulitawong si Dindo Virtudazo base na usab sa alias warrant of arrest nga gi-isyu ni Judge Evangeline Yuipco Bayana-executive judge sa Regional Trial Court (RTC), Branch 32 sa kasong murder nga wala'y girekomendang pyansa alang sa iyang temporaryong kagawasan.
Gikostudiya na karon ang suspek sa Surigao City Police Station alang sa tukmang disposisyon. (BR/PIA-Caraga)
