Cebuano News: Comelec Registration, nagpadayon
BUTUAN CITY, Hulyo 2 -– Mukabat sa 1,138 ang natala nga mga bag-ong rehistradong botante sa buhatan sa COMELEC Butuan sugod niadtong Mayo 3, 2011.
Kahinumduman nga nianang nasangpit nga petsa, nagsugod ang maong buhatan sa pagpangrehistro subay usab kini sa kamanduan sa COMELEC Central Office, Manila ug matapos kini sa bulan sa Oktubre tuig 2012.
Samtang hugot usab nga gipanghimakak ni Mam Osea S. Makiling, Election Officer III sa City COMELEC, ang nanggawas nga mga huhongihong nga adunay nagparehistro sa dakbayan apan atua nanimuyo o residente sa mga kasikbit nga mga munisipyo o mga lugar nga dili sakop sa syudad sa Butuan.
Matod pa sa maong opisyal nga usa sa mga rekisitos sa pagdawat sa mga bag-ong magparehistro mao ang gitawag nga “Proof of Residence” isip pagpamatuod nga ania sila nanimuyo sulod sa atong dakbayan, human niana adunay gitakda ang maong buhatan nga igong panahon sa pag-aproba sa maong mga aplikasyon sanglit muagi pa kini sa makuting beripikasyon.
Nanawagan usab siya sa mga katawhan nga magparehistro na sa maong buhatan karong panahona ug dili na magpaabot sa deadline arun malikayan ang pagpunsisok ngadto na sa maong buhatan ug kalangan alang usab sa kabahinan sa atong mga kaigsuonan. (Butuan City PIO/PIA-Caraga)
Cebuano News: ISDAP padayon ang serbisyo
ni Richelle F. Encabo
BUTUAN CITY, Hulyo 1 – Mokabat sa 874 ka katawhan ang naserbisyohan sa programang Integrated Social Development Assistance Program (ISDAP) pinaagi sa lokal nga panggamhanan ni’ng dakbayan ubos sa liderato ni Mayor Ferdinand Amante, Jr., sugod niadtong bulan sa Marso hangtod bulan sa Hunyo 2011.
Nagkadaiyang serbisyo ang nadawat sa katawhan sa dakbayan sama sa blood assistance, Hospital Bills, burial assistance, vaccination, medicines, medical, transportation ug uban pa.
Adunay nakatagana nga igong pundo matag adlaw ang maong buhatan nga andam ipang-apod-apod ngadto sa mga katawhan nga nanginahanglan og hinanaling pagtagad. Kini nga programa gipangunahan ni Lito C. Malvar, ISDAP in-charge sa dakbayan. (Butuan City PIO/PIA-Caraga)
.
Cebuano News: Nutrition Month gisaulog: “Isulong ang Breastfeeding Tama, Sapat at Eksklusibo”
BUTUAN CITY, Hulyo 2 –- Gisaulog karong bulan sa Hulyo ang Nutrition Month ubos sa temang “Isulong ang Breastfeeding Tama, Sapat, at Ekslusibo!”
Subay niini, gipangadaman sa City Nutrition Office ang maong selebrasyonn diin ubay- ubay nga mga aktibidadis ang nakahan-ay pinaagi na sa maong buhatan.
Ipahigayon ang usa ka Nutri-Caravan isip opening salvo ugmang adlawa Hulyo 1, 2011 sa mga alas otso ang takna sa kabuntagon sa may Butuan by the River, J. Flores Avenue, dakbayan sa Butuan.
Mahinungdanon ang maong tema alang niining tuiga sanglit gitagaan ug gimbug-aton ang pagpasuso sa mga inahan sa ilang mga kabataan pinaagi sa pagmentina sa masustansyang pagkaon sa ingun niana makahatag sa saktong gatas ang mga inahan para makab-ot ang himsog nga panglawas alang sa ilang mga kabataan.
Adunay hamubong programa nga ipahigayon ug usa ka pa kontest alang sa mga kabaranggayang musalmot sa maong tinuig nga selebrasyon.(Butuan City PIO/PIA-Caraga)
.
Cebuano News: Global Leadership Summit pormal na’ng gitapos
ni Ritchelle F., Encabo
BUTUAN CITY, Hulyo 2 –- Pormal na’ng gitapos ang Global Leadership Summit 2011 kung diin gipangunahan ni Mayor Ferdinand “Jun” M. Amante, Jr. ang gihimo nga duha ka adlaw nga kalihukan didto sa Almont Inland Resort, Butuan City, nga gisugdan niadtong Hunyo 28 hangtod sa 29, 2011, kaabag ang Bless Caraga Movement, Butuan Evangelical Ministries Association Inc., United Body of Christ Agusan Del Norte, Caraga Network Evangelical Ministries ug Churches.
Sa iyang pakigpulong, gibutyag ni Mayor Amante nga usa sa pinakakusog nga adbokasiya sa lokal nga panggamhanan sa dakbayan mao ang Moral Recovery Program nga gipalapdan og mas gipaila sa mga kabaranggayan dinhi sa dakbayan,og pinaagi usab niini giklaro ni Mayor Jun Amante, nga mao kini ang nakahatag og kalambuan ning syudad gumikan sa tin-aw ug responsable nga pagdumala ug padayon nga pagpakusog niini.
Iyang gidugang, ang maong Leadership Summit 2011 nga gihimo sa dakbayan usa ka pagpaila sa mga lay ministers, lay leaders, City Official, Regional Organization ug aron nga mapakusgan ang panawagan sa atong Presidente sa atong nasud kabahin niining maong programa.
Atol sa maong programa, gipasigarbo sa maong Mayor, ang kabahin sa kasaysayan sa Butuan kung diin diri naggikan ang Balangay Boat, Og gikompirma usab kini sa Department of the Interior and Local Government kon (DILG) atol sa ilang ika-28 katuig nga kasaulogan pinaagi na sa Local Government Code of 1991 nga maoy naghatag ug dakong dungog sa dakbayan, giasoy sa Mayor nga dili lamang kini ang pinaka una ug ulahi nga Leadership Summit nga panghitabo gumikan kay nakita sa maong mga bisita nga ang dakbayan sa Butuan dako ang potential nga mapalapdan ang Moral Recovery Program. (Butuan City PIO/PIA-Caraga)
