Cebuano News: Malampusong gitunol ang bag-ong kahimanan alang sa mga Health Centers
Ni: Jovelyn C. Mejorada
BUTUAN CITY, Aug. 14 (PIA) –Malampusong natunol ang mga nag-unang kahimanan sama sa refrigerator ug trolley alang sa mga Birthing Clinic ug Main Health Center dili palang dugay ngadto sa nagkadaiyang mga barangay ning syudad sa Butuan nga gipangunahan sa Department of Health (DOH) inubanan sa City Health Office (CHO) sa kadumalaan ni Dr. Josephine C. Chua, ang hepe sa maong buhatan.
Nasayran usab nga aduna pay muabot gikan sa kauluhan aron hinay-hinay nang makompleto ang mga pasilidad sa nahisgutang mga tambalanan diin gilaumang hingpit na kining magamit sa katawhan ilabina ang mga lumulupyo sa halayong bahin ning dakbayan.
Dako ang pagsuporta sa lokal nga panggamhanan sa maong mga tambalanan sa ingun niana mapaabot sa mga katawhan ang mga batakang serbisyo sa hinggutanang panglawas. (PIO-Butuan City/PIA-Caraga)
Cebuano News: Lima ka mga dagkung proyekto sa lungsod sa Jabonga gi-inagurahan ug giturn-over
Ni: Jovelyn C. Mejorada
BUTUAN CITY, Aug. 14 (PIA) –Malampusong natunol ang mga nag-unang kahimanan sama sa refrigerator ug trolley alang sa mga Birthing Clinic ug Main Health Center dili palang dugay ngadto sa nagkadaiyang mga barangay ning syudad sa Butuan nga gipangunahan sa Department of Health (DOH) inubanan sa City Health Office (CHO) sa kadumalaan ni Dr. Josephine C. Chua, ang hepe sa maong buhatan.
Nasayran usab nga aduna pay muabot gikan sa kauluhan aron hinay-hinay nang makompleto ang mga pasilidad sa nahisgutang mga tambalanan diin gilaumang hingpit na kining magamit sa katawhan ilabina ang mga lumulupyo sa halayong bahin ning dakbayan.
Dako ang pagsuporta sa lokal nga panggamhanan sa maong mga tambalanan sa ingun niana mapaabot sa mga katawhan ang mga batakang serbisyo sa hinggutanang panglawas. (PIO-Butuan City/PIA-Caraga)
Cebuano News: Lima ka mga dagkung proyekto sa lungsod sa Jabonga gi-inagurahan ug giturn-over
Ni: Roselyn Gangca Exaure
BUTUAN CITY, Aug. 14 (PIA) - Mokabat sa lima ka mga dagkung proyekto sa lima ka mga coastal barangays sa lungsod sa Jabonga, Agusan del Norte ang giinagurahan ug pormal usab nga gi-turn-over bag-ohay pa lamang sa mga barangay officials.
Ang maong mga proyekto mao ang Barangay Day Care Center sa Sitio Coro, Brgy. Colorado nga nagkantidad ug kapin sa P700,000; 100meters nga Road Concreting sa Brgy. Sto Nino nga nagkantidad ug kapin sa P700,000; 2-classroom school building sa Brgy. Magdagooc nga nagkantidad ug P1.3M; Barangay Day Care Center sa Brgy.San Jose nga nagkantidad ug kapin sa P700,000; ug Barangay Multi-purpose Building sa Brgy.San Vicente nga nagkantidad ug P1.8M.
Gibutyag ni Jabonga Mayor Glecerio M. Monton Jr. nga ang maong mga proyekto usa kini ka sub-project ubos sa “Kalahi-Makamasang Tugon “Hipaglambo2” project sa Department of Social Welfare and Development (DSWD), kon diin mihatag usab ug counterpart nga pondo ang Agusan del Norte Provincial Government u gang Local Government sa lungsod sa Jabonga.
Ang simultaneous nga pag-turn-over ug pag-inagurar gipangunahan kini nila ni Mr. Edgar Pato – National Project Manager sa KALAHI Makamasang Tugon Project, DSWD-Caraga Asst. Regional Director Maita Lim, DILG Regional Director Atty. Rene K. Burdeos, Jabonga Mayor Glecerio M. Monton Jr., Vice Mayor Danny M. Moran, Municipal Technical Staff ug mga Barangay Officials.
Gisugdan ang maong sunod-sunod nga inagurasyon ug pagturn-over banding alas 8:00 sa buntag ug nahuman kini alas 3:00 sa hapon. (PIO-Agusan del Norte Prov’l Governor’s Office/PIA-Caraga)
Cebuano News: Mga residente sa Sitio Coro, mapasalamaton sa ilang bag-ong day care center
Ni: Roselyn Gangca Exaure
BUTUAN CITY, Aug. 14 (PIA) - Daku ang pagpasalamat sa mga residente sa Sitio Coro, Barangay Colorado, Jabonga, Agusan del Norte human sila makabaton ug bag-o nga Day Care Center.
Gibutyag ni Brgy. Captain Alfredo C. Morano nga dakung tabang kini nga proyekto sa iyang barangay kon diin nakabaton na ug Day Care Center ang maong setio alang sa mga Idigenous Peoples (IPs).
Samtang mapasalamaton usab si Mrs. Pacencia Monteclaro ang Day Care Worker sa maong Barangay tungod kay dugay na usab nila kini nga gipangandoy gumikan sa kalayo sa tulunghaan gikan sa Sitio Coro, kon diin kinahanglan pa nga mobaktas ang mga bata ngadto na sa sentrong bahin sa Barangay Colorado.
Gidugang pa ni Mrs. Monteclaro nga kasagaran nga mga estudyante sa maong sitio mao ang mga lumad kon Idigenous Peoples hinungdan nga daku na lamang ang ilang pasalamatat sa buhatan sa DSWD pinaagi sa KALAHI-Makamasang Tugon, Agusan del Norte Provincial Government ug sa Jabonga Municipal Government nga maoy nagtinabangay aron mahatag ang maong proyekto ngadto kanila.
Kahinumduman nga pormal nga giturn-over ug giinagurahan ang maong gambalay niadtong Agosto 11, 2011 alas 8:00 ang takna sa buntag. (PIO-Agusan del Norte Prov’l Governor’s Office/PIA-Caraga)
Cebuano News: Mga residente sa brgy. Sto NiΓ±o Jabonga mapasalamaton sa naangkon nga proyekto
Ni: Roselyn Gangca Exaure
BUTUAN CITY, Aug. 14 (PIA) - Mainiton ang pagpasalamat sa mga residente sa Barangay Sto NiΓ±o, Jabonga, Agusan del Norte human sila nakabaton ug usa ka proyekto nga mao ang pagsemento sa 100meters nga kalsada nga nagkantidad ug P700,000.
Gibutyag ni Barangay Kapitan Medardo Pateres nga dakung tabang alang kanila ang maong proyekto tungod kay lisod man ang kalsada sa ilang lugar labi na sa mga residente nga mokanaug ngadto na sa lungsod.
Ang maong proyekto gitunol kini sa KALAHI-Makamasang Tugon sa Department of Social Welfare and Development (DSWD), Agusan del Norte Provincial Government, ug sa Jabonga Municipal Government pinaagi sa ilang gigahin nga pondo aron matuman ang ilang gipangandoy nga proyekto.
Ang maong proyekto pormal nga gi-turn-over ug giinagurahan bag-ohay pa lamang sa nasangpit nga lugar. (PIO-Agusan del Norte Prov’l Governor’s Office/PIA-Caraga)
Cebuano News: Duha ka lawak tulunghaan naangkon sa Brgy. Magdagooc sa lungsod sa Jabonga
Ni: Roselyn Gangca Exaure
BUTUAN CITY, Aug. 14 (PIA) -Mokabat sa P1.3M pesos nga Two-Classroom Building ang naangkon sa Magdagooc National High school sa Barangay Magdagooc, Jabonga, Agusan del Norte.
Ang maong proyekto gikan kini sa KALAHI-Makamasang Tugon sa Department of Social Welfare and Development (DSWD) ug giabagan usab sa Agusan del Norte Provincial Government ug sa Jabonga Municipal Government.
Gibutyag ni Barangay Kapitan Fernando Laroa nga usa ka dakung tabang sa ilang barangay ang maong dugang lawak tulunghaan kon diin nagkadaghan usab ang ihap sa ilang mga magtutungha matag tuig.
Samtang mapasalamaton usab si Magdagooc National Highschool Principal Mario Jicky C. Perang sa maong proyekto tungod kay aminado ang opisyal nga adunay naghinubra nga ihap sa mga estudyante matag classroom ug pinaagi niini nga dugang lawak mabahin na unya ang mga magtunugha sa matag magtutudlo aron nga mas mahatagan ug saktong atensyon ang mga estudyante. (PIO-Agusan del Norte Prov’l Governor’s Office/PIA-Caraga)
