Cebuano News: Presidente Aquino nidasig sa
tanang mga ahensya sa gobyerno aron suportahan ug mosalmot sa KABISIG
Philippine Government Expo ug Trade Fair 2013
Ni Susil D. Ragas
SURIGAO CITY, Marso 13 (PIA) – Gidasig ni
Presidente Aquino ang tanang mga ahensya sa gobyerno sa paghatag sa ilang
suporta ug mosalmot sa gitawag nga “KABISIG Philippine Government Expo and
Trade Fair 2013.″
Ang maong direktiba gipagawas pinaagi sa
Memorandum Circular No. 45 nga gipirmahan ni Executive Secretary Paquito N.
Ochoa Jr. niadtong Pebrero 22.
Ang KABISIG People’s Movement Program namugna
pinaagi sa gahum sa Proclamtion No. 650 (s.1990) aron ipasilitar, koordinar ug
monitor ang implementasyon sa mga programa ug mga proyekto sa gobyerno, lakip
usab ang paghatag og mga koneksyon tali sa mga pribadong sektor o grupo, ug ang
mga ahensya sa gobyerno.
Aron matuman ang maong mandato, ang KABISIG
mopahigayon og KABISIG Philippine Government Expo and Trade Fair 2013 uban sa
tema niini nga “Kaalaman ng Mamamayan: kabalikat sa Matuwid na Daan.”
Tumong ug tinguha sa maong expo ug trade fair
nga matapok sa usa usa ka benyu ang tanang mga ahensya sa gobyerno, lakip ang
mga Government –Owned or Controlled Corporations (GOCCs) ug mga Local
Government Units 9LGUs) aron ipasigarbo ang ilang pasilidad sa ilang mga
services, programa, proyekto ug mga nahimo. Oportunidad usab kini aron mahatagan
og higayon ang gobyerno nga pasiugdahan ang kaamgohan sa publiko ug
partisipasyon niini sa kalamboan sa nasod, matud sa Presidente. (PIA-Surigao
del Norte)
