(PAGASA 24-HOUR PUBLIC WEATHER FORECAST as of Thursday, 26 December 2024) π—¦π—¬π—‘π—’π—£π—¦π—œπ—¦: Intertropical Convergence Zone (ITCZ) affecting Mindanao. Northeast Monsoon affecting Northern Luzon. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rains and thunderstorms due to ITCZ. Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Moderate to strong winds coming from Northeast will prevail with moderate to rough seas / (2.1 to 3.7 meters).


PIA News Service - Tuesday, July 23, 2013

Tagalog news: Malacanang malugod na tinanggap ang ulat na tumaas ang public satisfaction na grado ni Pang. Aquino ayon sa SWS survey

Ni David M. Suyao

QUEZON CITY, Hulyo 23 (PIA) -- Malugod na tinanggap ng Malakanyang ang ulat na tumaas ang public satisfaction na grado ni Pangulong Aquino sa ikalawang quarter ng taong 2013 ng 76 porsyento, ayon sa suvey ng Social Weather Station, at nagsabing ang matatag na grado ng Pangulo ay nagpapatunay na ang kautusan ng kanyang administrasyon ay napamahalaan ng mabuti, ayon sa isang opisyal ng Palasyo.

Ito ay sinabi ng tagapagsalita ng Pangulo na si Edwin Lacierda noong Lunes kasunod ng pag pakawala ng pinakabagong survey ng SWS.

“Kami ay pinasigla ng resulta ng survey ng SWS sa ikalawang quarter ng 2013 na nagpakita ng satisfaction sa Pangulo na tumaas ng 76 porsyento, mas mabuti kung ikumpara noong unang quarter na 74 porsyento, na malapit sa kanyang pinakamataas na naiulat na 77 porsyento noong Agosto ng taong 2012,” sabi ni Lacierda.

“Ang pag lobong ito ng grado ng Pangulo ay ang pag-alma sa agos sa nakaraang dalawang taon na nagpakita ng mas mababa sa pangalawang quarter kung ikumpara sa unang quarter,” sabi ni Lacierda.

Mula noong unang survey ng SWS para sa public satisfaction ng Pangulo noong Setyembre 2010, sinabi ni Lacierda na ang grado ng Pangulo ay hindi bumaba sa 63 porsyento.

“Ang malakas at matatag na grado ng Pangulo, lalo na sa kalagitnaan ng halalan ay kinilala bilang referendum ng tagumpay na dala ng kanyang administrasyon, nagpapatunay ng mabuting pamamahala ng kanyang administrasyon. Ang patuloy at positibong mga numero ay salamin ng lubos na tiwala ng mga Pilipino at suporta sa mga polisiya, inisyatiba at reporma ng Pangulo,” sabi ni Lacierda.

Ang ikalawang quarter na SWS survey ay gumamit ng harap-harapang pakikipanayam sa 1,200 na mga Pilipinong sa buong bansa na nasa hustong gulang.


Ang survey ay lumabas habang ang Pangulo ay nakatakdang magbigay ng kanyang pang-apat na State of the Nation Address sa Kongreso sa Batasan sa lungsod ng Quezon City nitong Lunes. (AMC/DMS/PIA-Agusan del Sur)
Posted by at