(PAGASA 24-HOUR PUBLIC WEATHER FORECAST as of Saturday, 21 December 2024) π—¦π—¬π—‘π—’π—£π—¦π—œπ—¦: Shear Line affecting Southern Luzon and Visayas. Northeast Monsoon affecting the rest of Luzon. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Dinagat Islands will experience Cloudy skies with scattered rains and isolated thunderstorms due to the Shear Line. Possible flash floods or landslides due to moderate to heavy with at times intense rains. Butuan City, Agusan del Norte, Agusan del Sur, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Trough of Low Pressure Area. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Moderate to Strong winds coming from East to Northeast will prevail with Moderate to Rough seas / (1.5 to 3.7 meters).


Tagalog News: Programang pangnutrisyon inilunsad ng FNRI sa Bulacan

Ni Alexis M. Ortiz

MANILA, Mar. 15 (PIA) - “Ang kabataan ang pag-asa ng bayan” ay isang kasabihang nagbibigay halaga sa papel nilang ginagampanan sa ating bansa.

Subalit sa panahong ito, napakaraming problema ang pinagdaraanan ng mga kabataan na nagiging sagabal upang magampanan nila ang kanilang mahalagang papel. Isa na rito ang kakulangan sa nutrisyon.

Bilang tugon sa problemang ito, naglunsad ang Kagawaran ng Agham at Teknolohiya o Department of Science and Technology (DOST), sa pangunguna ng Food and Nutrition Research Institute (FNRI), ng isang programa na naglalayong mabawasan ang problemang dulot ng malnutrisyon. Tinawag itong Malnutrition Reduction Program (MRP).

Layunin ng MRP na mabawasan ang paglaganap ng malnutrisyon sa mga sanggol na may anim na buwang gulang hanggang bago tatlong taong gulang pa lamang. Itinuturing ang yugtong ito sa buhay ng mga bata na pinaka-kritikal dahil kung anumang pinsala ang natamo nila sa panahong ito ay hindi na maaaring malunasan pa at panghabambuhay na ang masamang epekto.

Isa sa dalawang bahagi ng MRP ay ang DOST Pinoy o Package for the Improvement of Nutrition of Young Children. Dito ay nakapaloob ang pagsasagawa ng feeding program gamit ang mga complementary foods na ginawa ng FNRI tulad ng rice-mongo blend at curls sa loob ng 120 araw para sa mga batang anim na buwan hanggang bago tatlong taong gulang.

Kaakibat ng feeding program ay ang edukasyong pangnutrisyon para sa mga nanay at mga tagapag-alaga na may anim na modyul kasama ang basic nutrition, breastfeeding, complementary feeding, meal planning, safe food handling and preparation at backyard vegetable gardening.

Ilang mga bayan at lalawigan na sa buong bansa ang naki-bahagi at nakinabang sa programa. Ang pinakahuli ay ang mga bayan ng Plaridel at Pulilan sa Bulacan.

Inilunsad ang DOST Pinoy sa mga nabanggit na bayan noong nakaraang taon na pinangunahan nina Kalihim Mario G. Montejo at Dr. Mario V. Capanzana, Direktor ng FNRI. Ang programa ay malugod na tinangggap ng mga pinuno ng dalawang bayan at sinaksihan ng mga Lingkod Lingap sa Nayon, ang katumbas ng Barangay Nutrition Scholars sa ibang lugar.       


Para sa karagdagang impormasyon tungkol sa pagkain at nutrisyon, maaaring magsadya, tumawag o lumiham kay Dr. Mario V. Capanzana, Director, Food and Nutrition Research Institute – Department of Science and Technology (FNRI-DOST), Tel./Fax: 837-29-34/837-31-64; e-mail: mar_v_c@yahoo.com; mvc@fnri.dost.gov.ph; FNRI-DOST website: http//www.fnri@dost.gov.ph (FNRI-DOST S&T Media Service/PIA-Caraga)

Posted by at