Cebuano News: 10 Kumainments gisuportahan sa
Agusan del Norte
Ni Mary Cheryl S. Monoy
BUTUAN CITY, Peb. 19 (PIA) - Gisuportahan sa
probinsya sa Agusan del Norte ang bag-ong kampanya sa National Nutrition
Council (NNC) mahitungod sa 10 Kumainments aron masanta ang problema sa
malnutrisyon.
Mao kini ang na-uyunan sa Joint Quarterly Meeting
sa mga Provincial Nutrition Council (PNC), Municipal Nutrition Action Officers
(MNAOs) ug Barangay Nutrition Scholars (BNS) Federation President kaniadtong
Pebrero 16, 2015, 9:00am sa Provincial Social Welfare, Population and Nutrition
Services Office (PSWPNSO) Conference Room, Capitol Compound, Butuan City.
Kung si Moses sa bibliya nagdala og 2 ka lapad nga
mga bato (stone tablets) diin nahipatik ang 10 Commandments sa Ginoo, ang
campaign character nga si Moises Dalisay, o “Mang Moi”, nagdala usab ug duha ka
pan (slice breads) diin nahipatik usab ang 10 Kumainments nga mao ang: I.
Kumain ng iba’t-ibang pagkain; II. Sa unang six months ni baby, breastfeeding
lamang; mula six months, bigyan din siya ng ibang angkop na pagkain; III.
Kumain ng gulay at prutas araw-araw; IV. Kumain ng isada, karne at ibang
pagkaing may protina; V. Uminom ng gatas; kumain ng pagkaing mayaman sa
calcium; VI. Tiyaking malinis at ligtas ang ating pagkain at tubig; VII.
Gumamit ng iodized salt; VIII. Hinay-hinay sa maaalat, mamantika at matatamis;
IX. Panatilihin ang tamang timbang; X. Maging aktibo. Iwasan ang alak; huwag
manigarilyo.
Ang 10 Kumainments mao ang tagalog nga bersyon sa
Nutritional Guidelines For Filipinos (NGF) nga gi-aprubahan sa NNC Governing
Board ug gipangunahan kini sa Food and Nutrition Research Institute sa
Department of Science and Technology (FNRI-DOST) aron malikayan ang
malnutrisyon ug diet-related non-communicable diseases sama sa kanser, diabetes
ug high blood.
Aron dili kini malimtan, gisugyot sa maong miting
sa PNC nga ipa-tarpaulin ang 10 Kumainments ug ibutang kini sa mga eskwelahan,
opisina, merkado ug mga pampublikong lugar para makita sa tanan.
Gi-awhag usab sa NNC ang tanang MNAOs nga ipaabot
sa mga kabarangayan ug kabalayan ang 10 Kumainments aron masiguro gayod ang
pagkunhod sa malnutrisyon sa nasod. (LGU-AGgusan del Norte/PIA-Agusan del
Norte)