72 bagong pulis sa Caraga region, pumasa sa SWAT course
By Jennifer P. Gaitano
LUNGSOD NG BUTUAN, Hunyo 26 (PIA)
- Sa layong masubukan agad ang pagiging alerto, epektibo at husay sa
pagresponde sa armed encounters, dumaan sa mas pinaigting at pinabuting
pagsasanay sa Special Weapons and Tactics (SWAT) course ng Philippine National
Police (PNP) ang 72 na bagong graduate na pulis sa Caraga region.
Ipinakita ng mga bagong SWAT
graduates ang kanilang kapabilidad, katatagan at lakas ng loob sa pagharap at
pagsagawa ng stratehiya sa pagsabak sa high-risk encounters at close quarters
combat – isang mapanganib na komprontasyon sa mga kalaban.
Ang mga pumasa sa SWAT course
training ay binubuo ng dalawang police commissioned officers at 70 police
non-commissioned officers mula sa mga police provincial offices ng rehiyon,
Regional Mobile Force Battalion 13 at Butuan City Police Office (BCPO). Apat
naman dito ay mga babaeng police officers.
Ayon kay Police Brigadier General
Gilberto DC Cruz, sa pagkakataong pumasa ang mga bagong pulis sa nasabing
training, sumabak agad sila sa mga mabibigat na sitwasyon at ipapakita ang
kanilang agarang pagresponde nang hindi humahantong sa bayolenteng pamamaraan.
Sa isinagawang graduation
ceremony, si Police Staff Sergeant Billy Ray Samillano ang tumanggap ng Award
of Excellence dahil nakuha niya ang pinakamataas na rating sa nasabing
pagsasanay, habang si Police Major Rodulfo Cadiz Jr. at Police Major Rommel
Cacayan ang tumanggap ng Leadership Award.
Samantala, isang babaeng pulis
naman na si Rheianne Gabunada ang tumanggap ng Top Gun Award dahil sa nakuha
niyang pinakamataas na rating sa individual practical drills sa pistol at
riffle, habang si Police Master Sergeant Ronald Laro ang sa highest rating sa
physical fitness test at iba pang physical training sa SWAT course.
Bilang isa sa mga natatanging
awardees, ibinahagi ni Gabunada, na mahalaga rin ang ginagampanang tungkulin ng
mga kababaihang pulis, at malaki ang kanilang magagawang kontribusyon sa
pagpapanatili ng kaayusan at katahimikan sa lugar. (JPG/PIA-Caraga)
Diocese ng Butuan may bagong obispo
By Jennifer P. Gaitano
LUNGSOD NG BUTUAN, Hunyo 26 (PIA)
-- Maaga pa lamang ay dagsa na ang mga Caraganons sa Saint Joseph Cathedral sa
lungsod ng Butuan upang saksihan ang episcopal ordination o pag-ordina ng
bagong tinalagang bishop sa Diocese of But
Napuno ang loob ng simbahan maging
ang Guingona Park ng mga parishioners. Nakaantabay din ang Philippine National
Police, Philippine Army at iba pang law enforcement agencies upang masigurong
ligtas ang dumadalo rito at mapanatiling maayos at solemn ang selebrasyon.
Isa si Michael Mendoza, second
year college student na mula pa sa Lianga, Surigao del Sur sa mga nakasaksi sa
pag-ordina at pagtalaga ng bagong bishop sa Butuan. Dama niya ang saya at
biyaya na hatid ng bagong obispo para sa mga Caraganons.
“Masaya ako at mayroon ng bagong
obispo at umaasa ako na mas marami pang biyaya ang mararanasan ng mga
Caraganons. Mas maging aktibo din sana ang mga kabataan sa aktibidad ng
simbahan at sa paggawa ng mabuti sa kapwa,” sabi ni Mendoza.
Si Bishop Almedilla ay naging
miyembro ng Talibon Diocese sa lalawigan ng Bohol at nagserbisyo bilang parish
priest ng Holy Child Parish sa Ubay, Bohol. Noong Agusto 4, 1987 ay
na-ordinahan siya bilang pari matapos ang kanyang formation sa Saint John XXIII
College Seminary sa Malaybalay City, Bukidnon at sa Loyola School of Theology
sa Ateneo de Manila University.
Sa kanyang mensahe, binigyang-diin
ng bagong obispo na gagawin niya ang kanyang makakaya na matugunan ang
pangangailangan ng mga sektor sa spiritwal na aspeto. Isang karangalan ang
mapili bilang obispo sa kabila ng kaniyang pagiging imperpekto.
Samantala, personal naman na
dinaluhan ni Manila Archbishop Luis Antonio Cardinal Tagle ang isinagawang holy
mass para sa episcopal ordination at canonical taking-possession ni Bishop
Almedilla.
Binigyang-diin ni Cardinal Tagle
sa kanyang homily o sermon, ang pagiging tapat sa katungkulan at sa pagbibigay
serbisyo sa publiko. Umaasa rin siyang mas manalig at patatagin pa ng bawat isa
ang kanilang paniniwala sa diyos. (JPG/PIA-Caraga)
