Grupo nang isang datu sumuko upang harapin ang
kanilang kaso
By Nida Grace P. Barcena
BAYAN NG TAGO, Surigao del Sur,
Setyembre 5 (PIA) -- Matagumpay ang ginawang boluntaryong pagsuko dala ang mga
armas ng armadong grupo na pinamumunuan ni Jasmen Acevedo alyas “Datu Jasmen”
kasama ang siyam na kasamahan nito na ipinipresenta sa mga media nuong Lunes,
Setyembre 2, 2019 sa 36th Infantry Battalion Headquarters, Barangay Dayo-an,
Tago.
Ito ay matapos ang ilang serye ng
diayalogo sa pamamagitan ng mapayapang negosasyon na ginawa ng mga
kinauukulan.
Ang grupo ni Datu Jasmen ay mga
lumad na residente ng Barangay Umalag na sakop ng bayan ng San
Miguel.
Ayun sa militar, ang mga ito ay
dating mga kaanib ng NPA na nagbalik loob na sa gobyerno.
Isinuko ng nasabing grupo ang mga
sumunod: isang M16 rifle, isang Carbine rifle, tatlong homemade shotguns at
dalawang .45 na calibre ng baril.
Ayon kay Datu Jasmen, kaya sila ay
gumamit ng armas ay dahil na rin sa banta ng mg NPA na nais kamkamin ang
lupain ng kanilang mga ninuno.
Sinabi ni Datu Jasmen na sila ay
mga “Bagani” ng kanilang tribong Manobo sa kanilang lugar, na kumakampi sa
ating gobyerno.
Para na rin sa kanilang seguridad,
ang grupo nila ay dinala sa headquarters ng 36IB, sa bayan ng San Miguel kasama
ng mga lokal na opisyal, mga pulis, sundalo at IP leaders na tumutulong sa
negosasyon.
Dito na rin pormal na inihain ang
warrant of arrest sa nasabing grupo na binasa at ipinaliwanag sa kanila ni
Police Lt. Colonel Allan Macapagal, ang Deputy Provincial Director for
Operation (DPDO) ng Police Provincial Office (PPO) ng Surigao del Sur.
Ang mga sumuko ay nahaharap sa
kasong “three counts of robbery with homicide” base sa pinalabas na warrant of
arrest noong December 5, 2012 ni Presiding Judge Rufo Naragas.
(PIA-Surigao del Sur)
Nasipit mariculture park pagatukoron
By Shiene V. Deligero
NASIPIT, Agusan del Norte, Setyembre
5 -- Gitakdang pagatukoron na ang Mariculture Park sa lungsod sa Nasipit sa may
Barangay Ata-atahon ug Cubi-Cubi human gi-aprobahan sa Sangguniang Panlalawigan
ang Sanggunian Resolution No.041-2019, nga nagdeklarang balido ang Municipal
Ordinance No. 004-2019 nga nag-establisar niini.
Ang mariculture park nga
pagatukoron sa Brgy. Ata-atahon ug Cubi-Cubi adunay sukod nga 234 hectares diin
kini usa sa mga programa ug proyekto nga gitutokan karon sa LGU sa Nasipit
alang sa pagtan-aw sa kita ug kapasidad sa pagmugna og alternatibong
panginabuhian para sa mga mangingisda.
Tumong niini nga makunhuran ang
kalisod sa panginabuhian, paghatag og igong oportunidad nga trabaho ug
pagtanyag sa kinaiyahan alang sa padayon nga paglambo sa maong lungsod.
Ang lakang mao ang pagtukod og
floating fish cage aron madugangan pa ang produksyon sa isda ug kini makahatag
dugang kita sa LGU pinaagi sa pag invest sa mga local investors ug
stakeholders.
Ubos sa maong ordinansa mao ang
mga deklarasyon sa palisiya para mahibaluan ang mga bahin ug ang kadaghanon sa
fish cages nga pagatukoron sa usa ka investor o operator, mga probisyon,
paggamit ug pagdumala sa mga pagpangisda, apil usab niini ang mga regulasyon,
prebilihiyo ug mga limitasyon sa mga mangingisda.
Ang ordinansa sa munisipyo
nagtumong nga mapalambo, mapanalipdan ug madumalahan ang paggamit sa mga
coastal areas sa lungsod nga nahisubay sa RA 8550, An Act Providing for the
Development, Management and Conservation of the Fisheries and Aquatic Resources
aron mahimong mabungahon ang pagpanginabuhi sa baybayon ug makab-ot ang
malungtaron nga pag-uswag sa lugar. Kini usab nag tumong nga mapataas pa ang
kahimtang sa pagpanginabuhi sa mga mangingisda.
Nagmugna usab og Nasipit
Mariculture Executive Management Cuncil kun NMEMC ang maong lungsod alang sa
episyente nga pagpatuman ug pagdumala sa proyekto sa mariculture park. (LGU
Agusan del Norte/PIA Agusan del Norte)
Pag-ayo sa provincial road sa Nasipit aprobado
na
By Prisilina P.
Amoroso
NASIPIT, Agusan del Norte,
Setyembre 5 -- Naaprobahan bag-ohay pa lamang sa Sangguniang Panlalawigan ang
kinatibuk-ang sumada sa proyekto alang sa pagpalapad ug pag-ayo sa duha ka
probinsyal road sa lungsod sa Nasipit, ning lalawigan, nga nagkantidad sa
P53,999,800.51, human gitagaan og otoridad si Provincial Governor Dale B.
Corvera aron sa pagpirma og usa ka kontrata sa kasabutan sa ngalan sa Agusan
del Norte.
Tungod sa kamahinungdanon niini,
gi-aprobahan ang pag-implementar sa duha ka proyektong Upgrading/ Improvement
of Amontay – Sta-Ana Provincial Road (Phase II) sa kantidad nga P21,438,890.25
ug ang Upgrading/ Improvement NRJ- Kinabjangan Dampias Provincial Road sa
kantidad nga P32,560,910.26 sa nasangpit nga lungsod.
Kani nga Contract of Agreement
pagapirmahan ni Gobernor Dale B. Corvera ug sa duha ka contractors, ang OLIN
Development Engineering and Construction ug ang ADSE Enterprises, aron sa
saktong pag-implementar sa maong proyekto.
Kasabutan kini nga nalangkob sa
termino ug kondisyon ingon man ang mga responsibilidad tali sa probinsya ug mga
contractors nga maoy mo-implementar sa nasangpit nga proyekto.
Gihatagan og dakong pagtagad ang
proyekto sa lokal nga panggamhanan sa probinsya, alang sa episyente, epektibo
ug ekonomikanhong pagdumala, ang katuyoan alang sa kinatibuk-ang kaayohan sa
lalawigan ug mga lumulopyo niini.
Ang maong otoridad gi-aprobahan,
sa pagpaningkamot ni Provincial Board Member Dick Victor B. Carmona, pinaagi sa
Sanggunian Resolution No. 038 ug 039-2019. (LGU Agusan del Norte/PIA Agusan del
Norte)
AgNor mopirma sa kontrata nga adunay seguridad
sa visa security services
By Jessica O.
Mellejor
BUTUAN CITY, Setyembre 5 --
Gihatagan og awtoridad sa Sangguniang Panlalawigan si Provincial Governor Dale
B. Corvera, alang sa pagpirma og kontrata tali sa Visa Security Services nga
maoy mohatag sa mga serbisyong pangseguridad sa probinsiya.
Sa pagtuon nga gihimo sa Committee
on Human Resource Development, Labor and Employment, nasayran nga ang Contract
of Service (COS) nga gisudlan sa lalawigan ug ang Visa Security Service usa ka
pagbag-o sa mga serbisyo sa seguridad sa giingon nga ahensya sa gobyerno sa
lalawigan. Ang kontrata naglangkob sa mga termino ug kundisyon, ingon man ang
responsibilidad sa duha nga partido alang sa epektibo nga pagpatuman sa
paghatag sa mga security personnel sa mga opisina sa lalawigan.
Ubos sa kasabutan, apil sa mga
responsibilidad sa ahensiya ang maghatag og unom ka dugang nga mga guwardya
para sa seguridad nga magtrabaho otso ka oras matag adlaw, lakip ang Sabado,
Domingo ug Holidays, aron mahatagan og seguridad ug mahuptan ang kalinaw ug
kahapsay sa mga natad sa sulod sa Kapitolyo, labi na sa mga empleyado ug mga
kabtangan niini.
Ang nahisgutan nga ahensya
lisensyado nga maghatag serbisyong proteksyon sa bisan unsang mga kompanya ug
mga opisina sama sa mga opisina sa probinsya ug hingpit nga kwalipikado ug
adunay mga kapabilidad ug kasinatian aron mahatag ang mga serbisyo sa
lalawigan.
Ang pag-apruba sa nasangpit nga
awtoridad nahimo pinaagi sa Sanggunian Resolution No. R-047-2019, nga
gipangamahanan ni Provincial Board Member Virgilio R. EscasiΓ±as, Jr. (LGU
Agusan del Norte/PIA Agusan del Norte)
