Magsasaka ng niyog sa Agusan del Norte makikinabang sa Coconut Processing Upgrading Project
Ni Nora C. Lanuza
LUNGSOD NG BUTUAN (PIA) -- Mahigit P17 Million na
pondo ang itinur-over para sa gagawing Coconut Oil Processing Facility na
makikita sa bayan ng Jabonga, Agusan del Norte ang pakikinabangan ng mga
magsasaka ng niyog sa lugar at karatig bayan nito.
Emosyonal si Rebecca Felix, ang chairperson ng
Libas Farmers Multi-Purpose Cooperative, dahil sa dinami-daming probinsya sa
bansa, kasama ang Agusan del Norte na nabigyan ng biyaya upang ma-iangat ang
kanilang estado sa buhay.
Nangako ang mga opisyales ng probinsya sa
pangunguna ni Agusan del Norte Gobernador Dale B. Corvera na patuloy nilang
tututukan ang nasabing proyekto at ang pagtulong nila sa mga magsasaka upang
patuloy din ang pag-angat nila sa buhay at magkaroon ng kanilang trabaho.
Pinaalalahanan din second district representative Ma. Angelica Rosedell M.
Amante-Matba ang mga magsasaka na pahalagahan ang proyektong ito dahil
magbibigay ito ng pagbabago sa kanilang buhay.
Nangako din ang mga myembro ng Libas Farmers
Cooperative na alagaan at pagbutihin nila ang operasyon ng nasabing processing
plant.
Ang nasabing proyekto ay isa sa mga 12 core projects sa AGUSAN UP at inaasahang magpapataas ng produksyon ng Libas Farmers mula sa 200 niyog kada linggo sa 10,000 niyog kada araw. (NCLM/PIA Agusan del Norte)
