(PAGASA 24-HOUR PUBLIC WEATHER FORECAST as of Wednesday, 15 January 2025) Easterlies affecting Visayas and Mindanao. Northeast Monsoon affecting Luzon. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rains and thunderstorms due to Easterlies. Possible flash floods or landslides due to moderate to heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Moderate to strong winds coming from Northeast will prevail with moderate to rough seas / (2.5 to 3.7 meters).


Monday, July 26, 2021

J&J vaccine nadawat na sa Surigao del Sur

SYUDAD SA TANDAG, Surigao del Sur -- Subli na usab nga nakadawat og dugang suplay sa bakuna ang probinsya sa Surigao del Sur.

Sa pakighinabi sa Radyo Pilipinas – Tandag, gibutyag ni Dr. Eric Montesclaros, Provincial Health Officer ning probinsya, nga muabot sa 24,500 doses sa Johnson & Johnson (J&J) vaccine ang bag–uhay lang ilang gikuha didto sa siyudad sa Butuan. Ang maong mga bakuna ang alang matud pa sa dugang mga indibidwal nga eligible sa pagpabakuna sa coronavirus disease 2019 (COVID-19) vaccine dinhi sa probinsya.

Gawas niini, nakadawat usab sila og 8,500 doses sa AstraZeneca vaccine nga pagagamiton alang sa 2nd dose.

Sumala pa nga mas maayong magkadaghan ang suplay sa bakuna dinhi sa probinsya aron nga mapaspasan usab ang pagpamakuna samtang wala pa makasulod ang gikahadlokang Delta Variant sa COVID-19. Gawas niini, nagkinahanglan na usab og dugang bakuna ang mga lugar ning probinsya nga daghan ang gustong magpabakuna apan ang nakaproblema kay wala lay igong suplay niini.

Dugang pa ni Dr. Montesclaros nga ilang gipaningkamotan nga makapamakuna man lang hangtud sa 50% sa populasyon dinhi sa probinsya una makasulod ang uban pang mga variant sa COVID-19 tungod kay nagtuo kini nga ang solusyon lang batuk sa bisan unsang variant sa maong sakit maong ang pagpabakuna. (Raymond Samson Aplaya-RP1 Tandag/PIA-Surigao del Sur)

Posted by at