Seminar sa Farm Planning ug Good Agricultural Practices padayong gihimo alang sa mga partner-organizations sa Agusan Up
DAKBAYAN SA BUTUAN -- Gipahigayon niadtong Septiyembre 27, ang ika upat nga hugna nga Good Agricultural Practice [GAP] ug Farm Planning training sa mga organisasyon sa mga mag-uuma sa probinsya sa Carmen Tourism Hall sa Carmen, Agusan del Norte.
Mosuma sa 45 ka representante sa walo ka organisasyon ang mitambong sa pagbansay nga gipasiugdahan sa probinsyal nga panggamhanan pinaagi sa Agusan Up Coordinating Center.
Ang pagbansay sa pagpalambo sa kaumahan gihimo alang sa mga organisasyon sa mag-uuma nga maoy mahimong inisyal nga partner sa probinsya sa pagpatuman sa magkaluhang mga proyektong Plant! Plant! Plant! ug Process! Process! Process! ubos sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kongw. Angel Amante-Matba.
Ang mga orgainsasyon nga girepresentahan sa maong seminar mao ang Nasipit Cacao Farmer’s Venture Association (NACAFAVA), Camagong Farmers Multi-Purpose Cooperative (CFMPC), Minbahandi Higaononn Agriculture Cooperative sa lungsod sa Nasipit, Manoligao Higaonon Tribal Workers Association (MAHITRIWA) ug Carmen Coconut Farmers Producer’s Cooperative sa Carmen.
Pipila usab ka indibidwal nga mag-uuma ang mitambong sa maong pagbansay.
Sa
pagbansay gitudloan ang mga mag uuma sa hustong paagi sa pagpananum, pagpalambo
sa produksyon ug mga good practices sa pagpanguma.
Sa pagpanamum, sumala pa nila ni May-ann Rabuya ug Berz Amoncio, mga personahe sa Agusan Up Coordinating Center nga mga speakers sa maong pagbansay, kinahanglang adunay kaalam ang mga mag-uuma diha sa pagpananum, gikan sa land preparation ngadto sa production unya sa harvesting.
Gipahinumdoman usab ang mga nagseminar nga obserbahan diha sa proseso sa produksyon ang food safety aron mo-resulta sa pagmugna og quality food and non-food agricultural products.
Gipunting ubos sa proyektong PLANT! PLANT! PLANT! nga palambuon ang produksyon sa siyam ka priority crops - abaca, saging, kape, cacao, rubber, lubi, rubber, commercial trees, mangga ug uban pang prutas – ug makatanum og mosuma sa 125,000 ektaryas nga luna pag-abot sa tuig 2027.
Gipunting usab sa maong kampanya sa pagpalambo nga makapahiluna og labing ubos 60 ka gagmay ngadto sa dagkung mga paktoriya nga moproseso sa mahimong ani sa mga uma ubos sa Plant! Plant! Plant! sa mosunod nga pito ka tuig. (Shena Mae Pabia with reports from Rotchelie Salas & John Henry Balansag, LGU Agusan del Norte/PIA Agusan del Norte)
