(PAGASA 24-HOUR PUBLIC WEATHER FORECAST as of Monday, 30 December 2024) π—¦π—¬π—‘π—’π—£π—¦π—œπ—¦: Shear Line affecting the eastern sections of Central and Southern Luzon. Intertropical Convergence Zone (ITCZ) affecting Palawan, Visayas, and Mindanao. Northeast Monsoon affecting Northern Luzon and the rest of Central Luzon. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Dinagat Islands, Surigao del Norte and Surigao del Sur will experience Cloudy skies with scattered rains and thunderstorms due to the Intertropical Convergence Zone (ITCZ). Possible flash floods or landslides due to moderate to heavy rains. While Butuan City, Agusan del Norte, Agusan del Sur will experience partly cloudy to cloudy skies with isolated rainshowers or thunderstorms due to Intertropical Convergence Zone (ITCZ). Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to Moderate winds coming from Northeast to Southeast will prevail with Slight to Moderate seas / (0.6 to 2.5 meters).


Friday, October 29, 2021

Pag-intrigo sa probinsya sa suporta gikan sa PhilHealth ug Nutrition services sa Cabadbaran, gihimo

DAKBAYAN SA BUTUAN -- Giintrigo sa probinsya sa Agusan del Norte sa pagpanguna ni Gob. Dale B. Corvera ug ni Cabadbaran City Mayor Judy Chin Amante kaniadtong Lunes ang PhilHealth Member Data Records/Assistance ngadto sa mga Barangay Nutrition Scholars (BNS) sa syudad sa Cabadbaran.

Ang maong programa gipasiugdahan sa probinsya pinaagi sa buhatan sa Provincial Social Welfare and Development Office (PSWDO).

Ubos sa programa mokabat sa 1,700 ka benepisyaryo ang makadawat gikan sa probinsya og PhilHealth Member Data Records (MDR)/Identification cards pinaagi sa BNS. 

Ang maong benepisyaryo mahatagan sa full payment nga 3,600 pesos sa PhilHealth sa tuig 2021.

Giintrigo usab sa PSWD ngadto sa BNS sa maong syudad ang mga himan nga nag-apil og 17 Allen stick height board, 16 Salter type weighing scale, 33 hygiene kits ug 33 Nutrition Month t-shirt.

Subay sa maong programa, nakadawat usab sa maong okasyon ang 31 ka BNS sa Cabadbaran og 6,000 pesos nga honorarium gikan sa probinsya alang sa 3rd Quarter ning tuiga. 

Paninguha sa gobernador nga matutukan sa probinsyal ug sa matag LGU ang mga barangay sa probinsya pinaagi sa pagpadangat og mga programa, proyekto ug mga serbisyo ilabina diha sa pagtutok pag-ayo sa mga kabataan nga malikay sa malnutrition.

“Kami sa probinsya including Mayor Judy (Chin-Amante) nakita namo nga dili pwede pasagdan ra ang barangay. Kinahanglan naa ang syudad ug ang probinsya motabang sa barangay aron mahimong epektibo ug successful ang programa sa nutrisyon,” sumala ni Gob. Corvera.

Tumong usab sa maong kalihukan nga mahatagan ang mga BNS og resources para ma makapadangat og igo nga serbisyo ug makunhoran ang kaso sa malnutrisyon sa mga agusanons subay adbokasiya sa pagpalambo sa nutrisypn nga “First 1,000 Days Tutukan!”

Niini, mapasalamaton si Mayor Amante, apil na ang mga punong barangay, ug mga BNS ngadto sa gobernador sa gipadangat nga mga tools ug assistance.

“Mapasalamaton gyud ta kay Gobernador Dale, kay sa kanunay nag huna-huna gyod siya dinhi sa Cabadbaran, wa ta pasagdi, sige ta dawat og mga programa sa probinsya,” sumala ni Mayor Amante. (Shena Mae Pabia ug Sonny Montilla, LGU Agusan del Norte/PIA Agusan del Norte)

 

Posted by at