DA-PHILMECH naka-apod-apod na ug kapin 15 mil ka makinaryas sa pag-uma
DAKBAYAN SA BUTUAN -- Hapit na mahuman og apod-apod sa Department of Agriculture kon DA pinaagi sa Philippine Center for Postharvest Development and Mechanization (PhilMech) ang 15,900 ka farm machines nga mobalor 10 bilyon ka pesos alang sa mga mag-uuma.
 |
| A farmer in Central Luzon plants rice in this Business Mirror file photo. |
Sigon ni Executive Director Baldwin G. Jallorina sa Philippine Center for Postharvest Development and Mechanization (PhilMech) nga aduna nay 15,246 ka nagkalain-laing mga makinaryas ang na-apod-apod sa tibuok nasud.
Ang nabilin nga 654 ka farm machines nga gipondohan sa 2019 ug 2020 RCEF gigahin kini alang sa Farmers' Cooperatives and Associations (FCAs) nga nahimotang sa mga island provinces ug coastal areas.
Ilawom sa RCEF, makadawat ang PhilMech og annual budget nga 5 bilyon ka pesos sa unom (6) ka tuig arun masuportahan ang mechanization program sa tumong nga makunhoran ang postharvest losses ug mutaas ang ani sa humay.
Gisugdan og implementar ang RCEF kaniadtong 2019 human sa pagkapasar sa balaod nga Republic Act 11203, nga nakatabang sa industriya sa humay sa nasud. Ang maong balaod naggikan ug tinuig nga 10 bilyon pesos nga pundo sa RCEF, diin mulangtod kini hangtod tuig 2025 arun mo-usbaw ang industriya sa humay sa nasud. (DA Caraga/PIA Caraga)
