Amomang Agusanon napabati sa mga hilit na sitio sa AgNor
DAKBAYAN SA BUTUAN -- “Mapasalamaton ko nga bisan sa kalayo sa among dapit, sila Gov. Dale B. Corvera ug Congw. Angel Amante-Matba miari gyod sa among dapit bisan lisud ang among dalan,” kini ang mensahe ni Henera Olalo, usa sa residente sa Sitio Lomboyan, Barangay Guinabsan, Buenavista, Agusan del Norte nga nakadawat og mga serbisyo atol sa “AguSerbisyo” Caravan sa probinsya, bag-ohay pa lamang.
Ang Lomboyan ug mga kasikbit niini nga mga sitio sa Balatakan ug Langanlangan mao ang laing hilit nga lugar sa probinsya nga giadtoan gyod sa duha ka dagkung lider sa probinsya aron mapaduol ang gobyerno sa mga Agusanon ug mapabati kanila ang kainit sa pag-amoma niini.
Naay 220
ka lumulupyo kining tulo ka magkasikbit nga sitio. Maingon nga wala kaayo
makaapekto sa mga lumulupyo ang hapak sa pandemya apan nagpuyo gihapon ang
daghan kanila diha sa kalisud dala sa kawad-on hinungdan nga gitan-aw ang lugar
sa nasudnong panggamhan nga usa sa mga Geographically Isolated and
Disadvantaged Area (GIDA).
Sa pakighinabi sa mga lumulupyo, migawas nga ang nag-una nilang panginahanglan aron moarang-arang ang kahimtang sa pagpuyo mao ang kalsada. Magpasayon unta kini sa ilang pagtumod sa abot sa ilang mga uma ngadto sa sentro sa lungsod ug sa ubang merkado ug mopadaku sa ilang kita.
Ang mga opisyal ug mga personahe sa gobyerno nga miadto sa maong kalihukan mismo nakasinati unsa kalisud pagbiyahe sa kapin kon kulang duha ka kilometro nga sakaon ug lubakong dalan padulong sa Lomboyan, ug tabuk sa mga suba lahus sa Sitio Balatakan.
Ang ikaduhang panginahanglan mao ang patubig.
Ang ikatulo, partikular sa mga Indigenous Peoples (IP) sa lugar, mao ang tribal house, o luna nga sentro sa mga panagtigum ug uban pang mga kalihukan, apil na ang pagpadangat og mga serbisyo.
Ang ikaupat mao ang paghimo sa tulo ka sitio isip usa ka tribal barangay.
Ang ikaupat mao ang suporta sa ekonomikanhong kalihukan sa mga lumulupyo sama sa suporta sa semilya, abono ug mga himan sa pagtanum ug pagproseso ingon man ang mga gikinahanglang pagbansay aron mahimong takus ug mahimong mga mas produktibo ang mga lumulupyo.
Kalabot sa kalsada nagkasabot sila si Kongw. Amante-Matba ug Gob Corvera nga hiniusa kini nilang ipahiluna. Ang hangyo lang sa duha ka lider nga padayong ipatunhay sa mga lumulupyo sa tulo ka sitio pakighiusa ug pagsuporta sa mga programa sa gobyerno alang sa kalinaw ug ang kakugi nga molambo ang panginabuhi.
Ipahiluna usab sa probinsya ang patubig. Na-turn over sa maong okasyon ang tribal house ug ipahiluna usab nga mahimo ang lugar nga tribal barangay kung ma-establisar na nga naa nay labing ubos 2,000 ka lumulupyo ang tulo ka sitio.
Ipadangat usab ang suporta sa panginabuhian ug pagkahapon sa maong adlaw mismo sugdan na ang pipila ka pagbansay sa Technical Education and Skills Development Authority (TESDA) aron makapanukad na dayon ang mga lumulupyo pagpalambo sa ilang katakus.
Apil sa mga serbisyo sa “AguSerbisyo” nga napadangat sa maong okasyon mao ang mga serbisyong medikal, pagpadangat og mga food packs, livelihood assistance, pahalipay sa mga kabataan ug animal health services.
Ang musunod mao ang detalye sa mga napadangat nga serbisyo sa nagkalain-laing buhatan:
Ang
buhatan sa Provincial Health Office (PHO) sa pagpanguna ni Dr. Odelio Ferrer na
kahimo og 45 Tuli, tulo ka minor surgery, 31 ka dental services apil niini ang
dental kits, 46 ka family planning counseling, lima ka visual inspections with
acetic acid, ug 162 ka consultation/medical check-up.
Sa Provincial Social Welfare and Development Office (PSWD) ni Silver Joy Tejano gi turn-over ang lima ka Units Walker alang sa mga seniors, 360 pcs/28 boxes eyeglasses, 300 canned goods, 300 ka 25 kilos rice, lima ka tubes of ice cream ug paghatag sa mga libreng vitamins ug uban pang medisina.
Nakapadangat usab ang Provincial Agricuture Office (PAO) og 200 Kabir chickens, 100 Banana plantlets ug assorted vegetable seeds. Lakip niini ang panghatag og 150 Mahogany seedlings sa buhatan sa Environment and Natural Resources Division (ENRD).
Sa buhatan sa Provincial Veterinary Office (PVET) nagpahigayon og Animal Health Services sama sa Animal De-worming ug nakapadangat sa libreng soluble Anti-bacterial ug bitamina sa mga kahayopan.
Sa opisina sa Agusan Up Coordinating Center nang apod-apod kini og assorted vegetable seeds ug mga used clothing alang sa mga lumulupyo.
Nagpahigayon usab og Operation “Lice Alis”, libreng gupit, laro ng lahi ug naka pang apod-apod og 100 packs sa Hygiene kits gikan sa Agusan del Norte Provincial Police Office [ADN-PPO].
Ang buhatan sa TESDA-ADN, nagpahigayon kini og Skills and livelihood trainings sama sa Raise Organic Chicken, Produce Organic Vegetables, Tilapia culture musunod niini ang beads ug dress making para sa mga kababayen-an, bamboo furniture making ug small engine repair.
Nakapadangat usab ang buhatan ni Congresswoman Angel Amante-Matba og 220 food packs nga nag-apil og 10 kilos rice ug us aka tray nga itlog matag panimalay.
Personal usab sa nitambong sa maong “AguSerbisyo" sila si PD Rey Cueva sa TESDA, Col. Adonis Ariel G. Orio, Commander of 402Bde, PolMaj John Alexis BasaΓ±ez sa Special Action Force [SAF], PCol Martin M Gamba sa ADNPPO, LTC Julius Cesar Paulo, Board Member Eddie “Datu Bawang” Ampiyawan, PA Gerry Joey S. Laurito.
Kuyog usab ang mga division chiefs sa kapitolyo Dr. Odelio Ferrer sa PHO, Alvin Aclan sa PAO, Tomas Jr Tener sa PPDO, Silver Joy Tejano sa PSWDO, Erma Suyo sa PDRRMO, Dr. Belen Aruelo sa PVET, Jessem Ondoy Cardona sa MIS ug AGUSAN UP Consultant Orencio S. Corvera Jr.
Anaa usab ang mga Barangay officials, Sitio Lomboyan IP leaders, 29th IB ug PNP Personnel. (Karen Kie Decamotan ug Shena Mae Pabia, mga Reymar Reyes ug Sonny Montilla, LGU Agusan del Norte/PIA Agusan del Norte)
