(PAGASA 24-HOUR PUBLIC WEATHER FORECAST as of Thursday, 26 December 2024) π—¦π—¬π—‘π—’π—£π—¦π—œπ—¦: Intertropical Convergence Zone (ITCZ) affecting Mindanao. Northeast Monsoon affecting Northern Luzon. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rains and thunderstorms due to ITCZ. Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Moderate to strong winds coming from Northeast will prevail with moderate to rough seas / (2.1 to 3.7 meters).


Thursday, January 20, 2022

Pagdevelop sa nursery sa Nasipit, gisugdan na

DAKBAYAN SA BUTUAN -- Gisugdan kaniadtong Enero 19, sa probinsya sa Agusan del Norte ang pag-develop sa nursery sa Sitio Balaatan, Camagong, Nasipit, usa sa mga mahimong pundasyon sa proyektong Plant! Plant! Plant sa AGUSAN UP!, ang kampanya sa pagpalambo sa administrashyon ni Gob. Dale B. Corvera kaabag ang buhatan ni Kong. Angel Amante-Matba. 

Ubos sa Plant! Plant! Plant!, gipunting nga makapatanum ang probinysa og high value crops sa 125,000 ektaryas nga underutilized o bakanteng mga luna pag-abot sa tuig 2027 aron makabaton ang probinysa og igo-igong suplay sa hilaw nga materyales nga mahimong panukakaran sa processing activities. Ug usa sa mga requirements aron makatanum sa maong gidak-on nga luna mao ang mga seedlings nga pangtanum.

Aron maka-produce sa gikinahanglang gidaghanon sa seedlings, usa sa gitutokan karon sa mga personahe sa Agusan Up Coordinating Center mao ang pag-develop sa tulo ka nurseries nga kasamtangan gipadagan karon sa programa, usa na niini ang naa sa Sitio Balaatan. Ang laing duha ka nurseries mao ang nahimutang sa Kinabjangan, sa Nasipit gihapon ug ang anaa sa Agusan Up Compound sa kapitolyo.

Ang nasangpit nga nurseries mag-produce og mga semilya sa siyam ka priority high value crops nga mao ang abaka, saging, cacao, kape, rubber, lubi, cassava, kahoy (apil na ang falcatta) ingon man ang magga ug laing prutas.

Target karong tuiga nga matamnan ang 6,000 ektaryas nga bakanteng luna. Niini, nanginahanglan ang probinsya maka-produce og 6 milyones nga seedlings sa nagkalain-laing high value crops.

Mamahimo usab kaabag sa probinsya ang 80% membro sakop sa indigenous people (IPs) o tribung Higaonon sa Sitio Balaatan sa pagpahiluna ug pagdumala nga maong nursery isip mamahimo na usab nila nga panginabuhian. 

Mahinumduman nga gihimo ang ground breaking sa nursery sa Sitio Balaatan niadtong Nobyembre. Partner sa probinsya ang mga sakop sa tribung Higaonon sa pagpalambo sa maong lima ka ektaryang nursery. (Karen Kie Decamotan, LGU-Agusan del Norte/PIA-Agusan del Norte)

 

Posted by at