P17M supplemental budget, AIP sa Tubay giokehan sa SP
DAKBAYAN SA BUTUAN -- Aprobado na sa Sangguniang Panlalawigan sa Agusan del Norte ang Supplemental Budget No. 1 sa lungsod sa Tubay, ning lalawigan alang sa tuig 2021 inubanan usab sa Supplemental Annual Investment Plan No. 02 niini.
Ang Supplemental AIP ug Budget kinahanglan nga mag uban ug maaprobahan aron maseguro nga hingpit nga mapatuman ang mga prayoridad sa maong lungsod.
Apil sa mga proyekto nga gi-punduhan mao ang: 2nd tranche salary adjustment sa tanan officials ug employees effective January, 2021; RC-Box Culvert sa Brgy.Tagmamarkay; COVID-19-related programs, projects and activities; Quick Response Fund and stockpiling of food commodities; ug Enhancement of Communication Facilities sama sa Radio Base Repeater sa Mt. Minaasug.
Pinaagi sa suporta ni Bise Gobernador Ramon A.G Bungabong, ang chairperson sa SP Committee on Finance and Appropriation, ang maong badget ug Supplemental AIP naaprobahan ubos sa Sanggunian Resolution No. 016-2022 sa Sangguniang Resolution No. 015-2022 kaniadtong January 17,2022 atol sa ika 121st sesyon regular niini. (Jessica O. Mellejor, LGU-Agusan del Norte/PIA-Agusan del Norte)
