Serbisyo sa Agusan del Norte 2021, mas daghan pang senior citizens ang natabangan
DAKBAYAN SA BUTUAN -- Mas midaghan ang mga senior citizens sa Agusan del Norte nga nakadawat og dugang serbisyo pinaagi sa bag-ong programa ni Gob. Dale Corvera nga mao ang "Pa Good Vibes Ni Lolo ug Lola".
Ang programa nga Pa Good Vibes ni Lola ug Lola ubos Amomang Agusan sa AGUSAN UP! pinaagi sa buhatan sa Provincial Social Welfare and Development (PSWD). Gimugna kini sa administrasyon ni Gob. Corvera aron mapalapdan pa ang serbisyo sa tanan nga nag-edad og 60 pataas.
Ubos sa programa nga gimando sa Provincial Ordinance No. 562-2020 makadawat og pahalipay nga Php1,000 ang matag usa ka senior citizen matag Disyembre.
Sulod sa duha ka tuig, misaka ang
ihap sa mga senior citizens gikan sa 28, 878 sa tuig 2020 ngadto sa 32, 472 sa
tuig 2021.
Gawas sa nasangpit nga bag-ong programa, naay usab nagkadaiyang programa nga gitanyag sa probinsya alang sa mga senior citizens sama sa medical assistance ug uban pa. (Karen Kie Decamotan, LGU-Agusan del Norte/PIA-Agusan del Norte)
