DA Caraga gikatakdang moapod apod og “fuel discount “ alang sa mag-uuma sa mais sa SurSur
TANDAG CITY, Surigao del Sur – Ang Department of Agriculture sa Caraga mipahibalo sa gikataktadang pagpang-apod-apod sa “fuel discount” ubos sa programang Fuel Subsidy for the Farmers and Fisherfolk (FDFF).
Ang mga mag-uuma sa mais nga mokabat sa 184 gikan sa upat ka mga lungsod sa probinsya sa Surigao del Sur ang gikatakdang mamahimong mga benepisyaryo.
Sumala pa, ang upat ka mga lungsod sa probinsya nga nakatakdang mahatagan sa maong prebelihiyo amo ang:
Agosto 10, 2022
●Barobo
(47)
●Tagbina
(47)
Agosto 16 & 17, 2022
●Carmen
(42)
Agosto 15 & 16, 2022
●Tago
(48)
Nahibaloan nga ang maong programa nakatutok una sa pagkakaron sa mga mag-uuma sa mais nga rehistrado sa Registry System for Basics Sectors in Agriculture (RSBSA) og makapamatuod nga migamit o nanag-iya ug makinarya.
Kauban ang lokal nga panggamhanan pinaagi sa Municipal Agriculture Office sa pagpahigayon og beripikasyon sa mga kwalipikadong mga mag-uuma.
Mamahimong moadto sa inyong Municipal Agriculture Office aron masayran ug anaa sa listahan sa mga kwalipikadong benepisyaryo, aron matabangan nga mapasayon sa pagproseso ang mga dukumentaryo nga gikinahanglan.
Ang mga kwalipikadong mga mag-uuma gikinahanglan nga magdala og valid ID ug e-wallet number aron sa pagkuha sa Fuel Discount Card sa USSC Branch nga na-assign sa inyong lugar. (DA-CAraga/PIA Surigao del Sur)
