Kanhi rebelde gibansay alang sa napili nilang panginabuhian
Gipangunahan kini sa buhatan sa Provincial Agriculture kaabag ang buhatan sa Provincial Social Welfare and Development ubos sa programa nga Enhanced Comprehensive Local Integration Program (ECLIP) sa probinsyal nga panggamhanan.
Ang maong kanhi rebelde gitudloan mahitungod sa Livestock Production and Management, Corn Production and Management, Mushroom Production and Management, Vegetable Production and Management, Tilapia Production and Fish Pond Management ug ang Organic Farming and Concoction Formulation ug Demo.
Ang maong training, subay sa mga pipila ka napili sa mga kanhi rebelde nga mga panginabuhian unya panahon sa pagbalik mismo nila sa komunidad. Kabahin usab kini sa inisyatiba sa probinsyal nga panggamhanan nga mga preparasyon sa ilang fully integration.
Mahinumduman bag-o pa lamang natagaan ang nasangpit nga mga kanhi rebelde og pinansyal nga tabang nga Php20,000 isip seed capital fund sa ilang mapili nga negosyo o panginabuhian. (Karen Decamotan/hulagway kuha sa personahe sa PAO, LGU Agusan del Norte/PIA Agusan del Norte)
