Groundbreaking gihimo alang sa “Super Health Center” sa Santiago
DAKBYAN SA BUTUAN -- Gihimo bag-ohay pa lamang ang ground breaking sa gitawag nga Super Health Center sa Santiago, Agusan del Norte, butang nga sumala pa kang Kongresista Dale B. Corvera alayon sa mga tumong sa gipahiluna niyang programa sa distrito nga mao ang “Modernong Agusan”.
Dugang ni Gorgolon nga naay 306 nga sama ning maong proyekto sa tibuok nasud ug sa Rehiyon sa Caraga sa Lungsod sa Santiago ug sa Barangay Ampayon sa Butuan pa lang ang montaran sa maong facility.
Sa mensahe ni Kongresista Corvera nga gibasa sa iyang representante sa maong okasyon siya nagkanayon nga timailhan kini sa dakung tikang sa lungsod, sa probinysa ug sa nasudnong ahensya nga nagtan-aw sa serbisyo sa mga probinsya paghimong moderno sa panerbisyo sa panglawas ug suporta siya niini.
Niini, mapasalamaton kaayo ang mga local officials sa Santiago. Sumala pa kang Mayor Zenaida Lim nga nagpasalamat siya kang Senator Bong Go, Kongresista Corvera ug Gov. Ma. Angelica Rosedell M. Amante nga mitabang aron sa Santiago ipahiluna ang maong proyekto sa DOH.
Mitambong usab sa maong groundbreaking sila si Provincial Administrator
Elizabeth Marie Calo nga nagrepresenta kang Gov. Amante, si Regional Director
Cesar Cassion sa DOH-Caraga, mga opisyal sa kapulisan ug kasundalohan, ubang
mga opisyal sa lungsod ug mga lumililihuk sa serbisyo sa panglawas. (Jenny D.
Fabian, LGU Agusan del Norte/PIA Agusan del Norte)
