(PAGASA 24-HOUR PUBLIC WEATHER FORECAST as of Thursday, 26 December 2024) π—¦π—¬π—‘π—’π—£π—¦π—œπ—¦: Intertropical Convergence Zone (ITCZ) affecting Mindanao. Northeast Monsoon affecting Northern Luzon. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rains and thunderstorms due to ITCZ. Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Moderate to strong winds coming from Northeast will prevail with moderate to rough seas / (2.1 to 3.7 meters).


Monday, February 27, 2023

"Unlock the landlocked" campaign ng AgSur, magbubukas ng panibagong adventure sa mga turista

Ni Jennifer P. Gaitano

 

LUNGSOD NG BUTUAN -- Matapos ang mahigit dalawang taong COVID-19 pandemic, inilunsad na ng Provincial Government ng Agusan del Sur ang "Unlock the landlocked Agusan del Sur" Campaign sa pangunguna ng Provincial Tourism Office.

 

Layon ng nasabing kampanya na pasiglain pa ang turismo at hikayatin ang mga turista na bisitahin ang mga magagandang tanawin sa lalawigan at maranasan ang adventure na dala nito.

 

Ayon kay Dannah Rufalyn Buquir, Provincial Tourism Officer, unang hakbang palang ito sa marami pang aktibidad na matutunghayan ngayong taon upang mapabilang ang probinsya na isa sa mga kilalang tourist destinations sa buong mundo. 

 

Ibinahagi rin niya ang sub-programs tulad ng AgsurVenture sa loob ng 12 buwan at ang AgsurKnown TV. 

 

“Iniimbitahan natin ang lahat ng mga mahihilig sa kakaibang adventure na bisitahin ang probinsya ng Agusan del Sur at magkaisa tayo sap ag-promote ng mga tourist destination ng 14 component local government units,” ani Buquir.

 

Nanawagan din sa kapwa kabataan ang mga magagandang dilag na tinaguriang Bae Naliyagan at Bae Sabuyakan ng Agusan del Sur.

 

“Ang paggamit ng social media ay isang mabisang paraan para ipakita sa mundo kung gaano kaganda ang mga lugar sa probinsya ng Agusan del Sur. Maaari nating ibahagi ang mga pictures at videos ng mga tanawing napuntahan natin para malaman ng mga tao na mayroon tayong iba’t-ibang tourist destinations,” banggit ni Romechelle Escrin, Bae Naliyagan 2022, Agusan del Sur.

 

“Magkaisa tayo at suportahan ang ating Provincial Government lalo na at may bagong programang AgsurVenture at AgsurKnown TV tayo rito,” panawagan ni Cristen Mie Hidalgo, Bae Sabuyakan 2022, Agusan del Sur.

 

Hinikayat din ni Agusan del Sur Governor Santiago Cane, Jr., ang lahat na tumulong sa pag-promote ng turismo sa pamamagitan ng vlogging para maipakita sa mundo ang kagandahan at mayamang kultura ng probinsya.

 

“Ipaalam natin ang kagandahan ng Agusan del Sur hindi lang dito sa lugar natin, kung hindi pati na rin sa ibang bansa. Maraming salamat din sa Provincial Tourism Office sa inisyatibong ito para mapalakas pa ang ating turismo. Bisitahin natin ang mga tourist destinations ng probinsya,” ani Cane. (JPG/PIA-Agusan del Sur)

 

Posted by at