14,500 nga mga hayop, target sa Butuan City Veterinarian Office nga mabakunahan
DAKBAYAN SA BUTUAN -- Padayon ang Lokal nga Panggamhanan sa Butuan pinaagi sa Office of the City Veterinarian sa pagbisita sa mga barangay aron na sa paghatag og bakuna kontra rabies sa mga binuhing hayop sama sa iro ug iring.
Karong tuiga adunay 14,500 ka hayop ang gi target sa buhatan nga mabakunahan sa Anti-Rabies Vaccine. Libuan na ka mga hayop ang nabakunahan sa mga personahe sa City Vet, bulan sa Enero ning tuiga.
Gawas sa giawhag nga Anti-Rabies Vaccine aduna usab programa nga Veterinary Mobile Ambulatory Clinic kon VMAC ang buhatan VMAC o ang Veterinary Mobile Ambulatory Clinic asa gitanyag ang libreng Anti-Rabies Vaccination, Deworming, Vitamins Supplementation, Swine Poultry ug ASF seminar sa mga hayop hilabi na sa lagyong lugar.
Buot mahitabo ni Butuan City Mayor Ronnie Vicente Laganada, nga makunhuran ang ihap sa mga binuhing iro ug iring sa syudad nga wala nabakunahan kontra rabies. Pinaagi niini masiguro nga luwas ang syudad sa hulga nga dala sa rabies nga virus. (Butuan City PIO/PIA Agusan del Norte)
