(PAGASA 24-HOUR PUBLIC WEATHER FORECAST as of Friday, 14 March 2025) Shear Line affecting Northern Luzon and eastern section of Central Luzon. Northeast Monsoon affecting extreme Northern Luzon. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rains and thunderstorms due to Easterlies. Possible flash floods or landslides due to moderate to at times heavy rains 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Northeast will prevail with Slight to Moderate seas (0.6 to 2.5 meters)


Monday, March 20, 2023

SWK,KWF magkatuwang sa mga proyektong pangwika at pangkultura

LUNGSOD NG BUTUAN -- Magkatuwang ang Sentro ng Wika at Kultura (SWK) at Komisyon sa Wikang Filipino (KWF) sa mga proyektong pangwika at pangkultura kabilang ang mga saliksik hinggil sa pambansang wika, katutubong wika, at pangkulturang saliksik para sa madla na gumagamit nito.

Inilatag ng mga direktor ng SWK ang mga proyektong pangwika kabilang ang mga tertulya, webinar, workshop, at saliksik sa katatapos at matagumpay na pagpaplano para sa taΓ³ng 2023 na ginanap  mula 8–10 Marso sa City State Asturias Hotel, Puerto Prinsesa, Palawan.

Pinangunahan naman ni Tagapangulong Arthur P. Casanova ang panunumpa ng bagong pamunuan ng SWK na sinaksihan nina Kom. Carmelita C. Abdurahman at Direktor Heneral Atty. Marites B. Taran.

Nahalalal si Dr. Alvin De Mesa, pangulo; Dr. Rodello Pepito, Pangalawang Pangulo; Prop. Ryan Rodriguez,  kalihim; Dr. Lourdes Quijano, Ingat-yaman; Dr. Felisa Marbella, ang awditor; Dr. Romeo Espedion Jr.,  Tagapagbalita. Naitalaga naman bilang kinatawan ng Luzon si Dr. Mary Ann Macaranas, Visayas naman si Dr. Lita Bacalla, at sa Mindanao ay si Dr. Radji Macatabon.

Ang SWK ay patuloy na lalahok at mangunguna sa pagsusulong ng mga katangiang pangkultura ng pook (bayan, lalawigan, o rehiyon) na kinalalagyan nito. Naniniwala ang SWK at KWF na ang wika ay imbakan  ng karunungan at karanasan ng lipunan na dapat pinahahalagahan ng bawat Pilipino.

Ang matagumpay na pagpaplano ay naisagawa sa pangunguna nina Dr. Jose Evie G. Duclay at Gng. Minda Blanca L. Limbo na patuloy ang pagbibigay suporta sa mga direktor ng SWK sa buong bansa. (KWF/PIA-Caraga)

Posted by at