LGU-Butuan nanguna sa pag-obserba sa Araw ng Kagitingan
DAKBAYAN SA BUTUAN -- Nanguna ang lokal nga panggamhanan sa Butuan City sa pag-obserba sa ika-81 nga tuig nga Araw ng Kagitingan, karon adlawa, April 10 sa Butuan City Library ning syudad.
Naghalad og buwak ang mga opisyales sa Butuan agig pagdumdum sa mga beterano nga nipanaw panahon sa World War II.
"A telling evidence of heroism, nationalism, and selflessness all for the fundamental rights and freedom we enjoy at present," mensahe ni 1st District Butuan-Agusan Del Norte Congressman Jose Joboy Aquino II.
Dako ang iyang respeto sa gibuhat nga sakripisyo sa mga beterano ug nanghinaut siya nga dili malimtan sa umaabot nga henerasyon ang gibuhat sa mga beterano para sa nasud.
Samtang naghatag sab ang Lokal nga Panggamhanan sa Butuan og Award of Merit ug cash sa 13 ka mga beterano.
Usa sa nahatagan si Cresencio Luarez Maligsa nga 80 anyos na karon ug Retired Police Inspector. Nagpasalamat siya sa nadawatan nga pasidungog ug nanghinaut nga kung ugaling mahinayon nga mapatas-an ang ilang benepisyo daku na kini nga tabang alang kanila.
Sa mensaheng gipaabot ni Mayor Ronnie Vicente Lagnada pinaagi kang Konsehal Joseph Omar Andaya, ang Day of Valor usa ka bahandi nga dili malimtan sa katawhan. Kung dili tungod kanila dili matagamtaman ang kagawasan ug demokrasya sa nasud.
Atol sa programa, anaa ang mga presensya sa mga konsehal sa syudad sama nila Reynante Desiata, Eduardo Gonzalez, Liga ng mga Barangay President, Gemma Tabada, Police Brigadier General Pablo Labra II, regional director sa Police Regional Office-PRO13, Louie Jay Losaria, head sa Philippine Veterans Affairs Office (PVAO), BGen. Adones Ariel Orio, commander sa 402nd Brigade kauban si LTC. Jeffrey Balingao, Col. Jonathan Obena, group commander of 15th Regional Community Defense Center (15RCDG), Girl Scout of the Philippines Agusan Council, Boys Scout of the Philippines Agusan Council, Department of Education (DepEd) Butuan City Division, ug mga heads sa Department of the Interior and Local Government (DILG)-Butuan, Commission on Higher Education (CHED)-Caraga, ug uban pa. (Butuan City PIO/PIA-Caraga)
