(PAGASA 24-HOUR PUBLIC WEATHER FORECAST as of Sunday, 24 November 2024) Northeast Monsoon affecting Extreme Northern Luzon. Intertropical Convergence Zone (ITCZ) affecting Mindanao. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due to Intertropical Convergence Zone (ITCZ). Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Northeast will prevail with slight to moderate seas / (0.6 to 2.5 meters).


Tuesday, May 16, 2023

Dating NPA commander, muling tinanggap ng tribu sa pamamagitan ng Tampuda

BUTUAN CITY -- Isang high-ranking new people's army (NPA) na si Lino “Commander Dahon” Namatidong, kasama ang kaniyang pamilya ang muling tinanggap at pinatawad sa kaniyang mga kasamahan sa tribung Higaonon sa pamamagitan ng “Tampuda” na naganap noong ika-12 ng Mayo sa Brgy. Bokbokon, Las Nieves, Agusan del Norte.

Sa pagpapaunawa, ang “Tampuda” ay isang sagrado at mahalagang ritwal mula sa indigenous peoples (IP) communities na isinasagawa para ayusin ang anumang alitan sa pagitan ng dalawang magkaaway na panig. Ito ay isinasagawa sa pamamagitan ng pagputol ng Uway na may presensya ng mga taga-pamagitna. Ayon sa mga salaysay ng mga nakatatanda sa tribu, ang sinumang bumali sa kasunduan ng “Tampuda” ay may kalakip na sumpa.

Ang nasabing pagtitipon ay dinaluhan ng mga Datu mula pa sa apat na probinsya ng Agusan del Norte, Agusan del Sur, Bukidnon at Misamis Oriental. Nakisaksi rin sa nasabing “Tampuda” si MGen. Jose Maria R Cuerpo II Philippine Army, commander ng 4th Infantry (Diamond) Division kasama sina BGen. Adonis Ariel G Orio PA, commander ng 402nd Infantry (Stingers) Brigade at Ltc. Jeffrey P Balingao, commanding officer ng 23rd Infantry (Masigasig) Battlion. Dumalo rin sa pagtitipon ang iba’t ibang ahensya at kagawaran tulad ng National Commission on Indigenous Peoples (NCIP) at Department of Education (DepEd), kasama ang probinsyal na pamahalaan sa pangunguna ni governor Ma. Angelica Rosedell M. Amante ng Agusan del Norte at Mayor Karen S. Rosales ng lungsod ng Las Nieves.

Ang pagtatapos ng Tampuda ay siya ring hudyat ng panibagong pag-asa para sa isang dating NPA commander katulad ni Datu Lino Namatidong na sa halip ay magpatuloy sa kaniyang pakikibaka ay pinili na lamang na sumuko at magbalik loob sa ating gobyerno. (23rd Infantry Batallion, Philippine Army/PIA Agusan del Norte)

Posted by at