Sobra 2k mag-uuma nakadawat na ug land titles sa Caraga
AGUSAN DEL SUR -- Ang Department of Agrarian Reform (DAR) malampusong nagpahigayon ug Ceremonial Signing of the New Agrarian Emancipation Act with simultaneous new lands and e-Titles distribution nationwide.
Ang programa gipahitabo mismo sa MalacaΓ±ang Palace nga gipartisiparan sa tibouk nasud pinaagi sa simultaneous broadcast sa matag rehiyon kani-adtung July 7, 2023.
Ang Caraga Region adunay 2,687 ka benepisyaryo nga mga mag-uuma nga nakadawat ug 2,890 ka e-titles ug certificate of land owners award (CLOA), diin ang mga benepesyaryo saksi usab sa mahinungdanong okasyon nga mao ang ceremonial signing sa Republic Act 11953 o nailhan nga New Agrarian Emancipation Act ni Presidente Ferdinand R. Marcos Jr.
Sumala sa DAR, ang bag-ong Balaod nag kondinar sa mga wala mabayri nga amortisasyon nga nagkantidad ug P57.56 bilyon gikan sa prinsipal nga utang nga nahiaguman sa mga 600,000 ka ARBs nga nagtikad sa kinatibuk-ang 1.173 ka milyon ka ektarya nga yuta sa tibuok nasud.
Personal usab nga gitambongan ni Mayor Grace Carmel Paredes-Bravo ang maong programa agig pagsuporta ug pagpasalamat tungod kay nagdala kini og paglaom ug kahigayonan sa 81 ka mga benepisyaryo sa repormang agraryo nga gihatagan ug pagpanag-iya sa 124 ka ektarya nga yuta sa San Francisco. (MIO San Francisco/PIA-Agusan del Sur)
