Price monitoring sa unang palaliton, gipakusgan sa AgSur
AGUSAN DEL SUR -- Padayong gipahigayon sa Department of Trade and Industry (DTI)-Agusan del Sur Consumer Protection Unit ang pagmonitor sa mga presyo sa nag unang palaliton ilawom sa hurisdiksyon sa DTI sugod Hulyo 7-11, 2023 sa lungsod sa La Paz ug San Francisco, lakip na ang syudad sa Bayugan.
Sa kinatibuk-an 12 ka mga grocery/supermarkets, 16 ka hardware, ug otso (8) ka bakeshops ang nabisitahan sa monitoring team. Namatikdan nga adunay pagtaas nga 1-2 pesos ang presyo gikan sa miaging bulan. Bisan paman niini, subay gihapon sa Suggested Retail Price(SRP) ang presyo sa mga nag unang palaliton sa mga gihisgutang mga lugar.
Ang namonitor nga mga presyo maoy mamahimong basihan kung adunay ideklarang prize freeze tungod sa kalamidad o emergency.
Lakip usab gi-susi ang mga hardware materials sakop sa products for mandatory certification aron pagsiguro nga kini adunay product standards markings. (PS/ICC/PIA-Agusan del Sur)
