Mangga sa Carmen, Agnor, todo ang suporta sa pagpalambo
CARMEN, Agusan del Norte -- Nag unaโng produkto sa lungsod sa Carmen ang prutas nga mangga diin gibana-bana nga adunaโy 63,564 ka punuan niini sa tibook lungsod rason nga nagpalabang ang maong lungsod og ordinansa nga nag tumong sa mas todo nga pagpromotar sa produksyon, processing ug marketing sa maong produkto.
Kini ang unod sa ilang Municipal Ordinance No. 24 series of 2023 nga naglayon nga mamahimoโng globally competitive ang buhaton nga mango industry ug mapadaghan ang produksyon niini nga luwas ug dekalidad lakip na usab ang mga mahimoโng by-products.
Tungod niini gimugna ang Carmen Mango Development Board (CMDB) nga
gilangkuban sa mayor, Municipal Agriculture Office, DTI, MENRO, MEEDMO,
Municipal Budget Office, Association of Barangay Captains ug mga mango growers.
Sila ang mag mentenar sa insakto, patas ug progresibo nga pagdumala sa
gitakdaโng proyekto.
Pangunahan sa board ang pag implementar og programa alang sa promosyon sa mangga, paghatag og mga ekipo ug teknolohiya alang sa produksyon, preservation ug uban pang proseso sa mangga. Lakip na usab ang pagplastar sa pundo, grants ug donasyon alang sa kalambuan sa maoโng mango industry.
Makatabang usab ang maong lakang aron mudako ang income sa mga mango growers ug mamaligyaay niini tungod proyoridad sa maong proyekto nga ma-modernize ang pamaagi sa pag-harvest ug mag implementar og epektiboโng estratehiya sa pagbaligya.
Alang sa tukmaโng desposisyon niini, nag alokar og P1 milyones ang lokal nga panggamhanan sa Carmen nga gamiton aron mamahimoโng posible ang maoโng proyekto.
Hugtanon kiniโng gisuportahan sa probinsya pinaagi sa pagpalabang sa Sanggunian Resolution No. 413-2023 sa pagduso ni Bokal Erwin L. Dano ang tsirman sa komitiba sa Agriculture and Agrarian Reform niadtong Hulyo 25 ning tuig atol sa ika 48 nga sesyon regular. (PLGU Agusan del Norte/PIA Agusan del Norte)
