Livelihood seed fund sa Nasipit, gi-palapdan
Sumala sa maong ordinansa, gidungagan ang mga membro sa seed fund committee nga gilangkuban sa mga musunod: chairman, mao ang SB chair sa komitiba sa agriculture, vice-chair, ang SB chair sa komitiba sa finance, budget and appropriation ug myembro niini ang representante sa mayor, mga municipal agriculturist, treasurer, accountant ug budget officer lakip na ang Nasipit Local Government Employees Association (NALGEA) representative, SB secretary ug ang seed fund coordinator.
Adunay duha ka pama agi sa pag loan sama sa, salary loan para sa mga opisyales ug regular nga empleyado diin maka loan sa P100,000 maximum kani-agi ug karun sa kantidad nga P150,000; ug alang sa mga job orders gitawag kini og special loan diin maka loan og kantidad nga P3,000 na karun gikan sa P2,000 nga bayran sulod sa 6 ka bulan ug aduna’y monthly amortization nga P510.
Alang sa mga guidelines sa pag avail niini, sa mga newly elected officails ug newly appointed employees gikinahanglan nga adunay epresentar nga duha ka co-makers diin susama sa sa iyang salary grade level o mas labaw pa sa iya og sweldo. Sa elected officials ug empleyado nga retirable mamahimo’ng mu avail apan dapat mabayaran ang kantidad adiser mahuman ang iyang termino ug sa mga job order gi obligar nga mag pasa usa og mga requirements sama sa certificate of service rendered gikan sa HRMO, promisory note nga aprobado sa mayor ug duha ka co-maker nga regular ug adunay net take home pay nga P5,500 matag bulan.
Nakalatid usab sa maong ordinansa nga maghatag og P1,000 nga honorarium sa mga membro sa komitiba matag katapusan sa tuig isip pag ila sa ilang kakugi ug dedikasyon alang sa hapsay ug malahutayo’ng pagdumala sa maong programa. (RJSE, PLGU Agusan del Norte, PIA Agusan del Norte)
