Prisohan sa Cabadbaran, gipakusgan ang pagpakgang sa kontrabando
DAKBAYAN SA BUTUAN -- Mas gipakusgan pa sa syudad sa Cabadbaran mahitungod sa pagpakgang sa pagpa-ipsot ug pagsulod sa mga kontrabando’ng butang sulod sa ilang prisohan nga gidumalahan sa Bureau of Jail Management and Penology (BJMP). Kini ang unod sa ilang City Ordinance No. 2023-019 diin hugtanong gisuportahan sa Sangguniang Panlalawigan.
Subay sa maong ordinansa, taliwala pa sa hugot nga siguridad sa maong prisohan sa kasamtangan aduna gihapon higayon nga anaay misulay sa pag buhat niini rason nga gimugna ang maong lakang.
Nakalatid dinhi ang mga gi-ilang mga kontrabando sama sa ilegal nga druga, mga ha-it nga hinagiban, mga pabuto, ilimnong makabuhog, sigarilyo ug tabacco, cellphones ug uban pang gadgets, video camera, kwarta’ng mulapas sa P1,000, mga alahas, pornographic materials, gamit pangsugal ug uban pa.
Gimando nga adiser makasulod ang usa ka bisita, adunay buhaton nga pat search diin kapkapan ang hingtundan lakip na usab ang paghabwa sa bulsa, bags ug uban pang mga butang nga bitbit niini.
Ang mga masakpan nga musupak niini mag atubang og silot gikan P1,500 ug usa ka adlaw nga community service hangtud P5,000, 10 ka adlaw nga community service ug total ban sa pagbisita sa pasilidad. (RJSE, PLGU-Agusan del Norte/PIA-Agusan del Norte)
