Pagbansay ngadto sa paglambo, gihimo sa Cabadbaran
DAKBAYAN SA BUTUAN -- Laing duha ka mga pagbansay pagpananum og gulay ug high value crops ubos sa programang “Pagbansay Ngadto sa Paglambo” nila ni Kongreista Dale B. Corvera ug Gob. Ma. Angelica Rosedell M. Amante ang gipahigayon sa Barangay Mahaba.
Mosuma sa 50 tanan ang miapil ning mga pagbansay sa Purok 1 ug 2 nga gisugdan niadtong Nobyembre ug nagsunod pagkahuman niadtong Disyembre 4 ug 7 sunod semana.
Ang mga pagbansay gipundohan gikan sa P8.5 milyones nga napahiluna ni Kongresita Corvera, ang labing daku nga gahin alang sa pagbansay sa usa distrito sa tibuok MIndanao.
Nagahin usab ang probinysa sa Agusan del Norte pinaagi ni Gob. Amante alang sa ubang galastuhan isip suport sa mga pagbansay.
Mabansay niini 646 tanan nga gipunting nga mahatagan og katakus aron makatrabaho o mo-engage sa panginabuhian. Kapin sa 400 kanila magbansay sa pagpapananum og gulay, high value crops ug commercial trees, ang priorities ubos sa Plant! Plant! Plant! Project a AGUSAN UP! nga gilusad niadtong 2019 ug hiniusang ipursige karon sa kongresista ug gobernador sa Cabdbaran. (Regine Lee Gavero, Agusan del Norte 2nd Congressional District Office/PIA Agusan del Norte)
