Pagpanghatag sa intervention monitoring card, gipadyon ngadto sa Las Nieves
LAS NIEVES, AGUSAN DEL NORTE --Gipahigayon sa Department of Agriculture - Regional Field Office 13 (DA-RFO 13), ang ikaduhang hugna sa pagpanghatag og intervention monitoring card (IMC) ngadto sa mga membro sa Registry System for the Basic Sectors in Agriculture (RSBSA) nga naay humayan.
Kung mahinumduman, ang DA-RFO 13 mipahigayon sa ilang unang hugna sa pagpanghatag niadtong bulan sa Disyembre 2023.
Ang IMC mao ang magsilbi nga identification card og cash card para sa mga mag-uuma nga naay humayan.
Ang IMC usa ka inisyatiba sa DA para mapadali pagpang-apud-apod sa mga serbisyo o assistance sa panggamhanan ngadto sa mga rehistradong mag-uuma sa humay.
Isa sa mga programa nga gipanghatag pinaagi sa IMC ang Rice Farmers’ Financial Assistance (RFFA) nga nagkantidad og P5,000 matag benipisyaryo.
Ang pagpanghatag sa IMC gipangunahan sa DA-RFO 13 ubos sa pagdumala ni Engr. Ricardo M. OΓ±ate, Jr.
Kauban sa DA-13 sa pagpang-apud-apod ang Municipal Agriculture Office pinangulohan ni Leonito C. Pasquito. (MIO Las Nieves/PIA-Agusan del Norte)
