PNP personnel sa Agusan Sur, gipasidunggan
PROSPERIDAD, Agusan del Sur -- Pipila ka mga police stations ang gitagaan og pasidungog atol sa gipahigayon nga tradisyunal na pagsaka og bandila niadtong Abril 22, kauban ang Provincial Community Affairs and Development Unit (PCADU) isip Office Primary Responsible (OPR) na gipahigayon sa Agusan Del Sur Police Provincial Office (ADSPPO) Parade Ground niining lungsod.
Kini nga seremonya nagahatag og dungog sa mga istasyon sa pulis ug personahe nga nagpakita ug dedikasyon sa ilang gipanumpaang katungdanan pinaagi sa paghatag ug pagdayeg.
Alang sa operasyon nga akomplismento sulod sa April 8-14, nahimong top 1 ang Bunawan Municipal Police Station (MPS); top 2 - Esperanza MPS; ug top 3 - Bayugan City Police Station.
Midawat usab og sertipiko sa pagadayeg alang sa mga top performing police station/unit kalabot sa mga akomplismento sa PCADU ang top 1 PCADU UPER- Esperanza MPS; top 1 After Activity Report - San Francisco MPS; ug top 1 Information Operation (IO) Lines - 2nd Agusan del Sur Provincial Mobile Force Company (ADSPMFC).
Samtang midawat usab og sertipo sa pagdayeg si Engr. Kristoffer Jhon B. Villena, project evaluation officer II/officer-in-charge Human Resource Management Office (HRMO)/Anti-Drug Abuse Council focal person, alang sa iyang walay puas nga paningkamot ug talagsaong serbisyo nga gipaabot ngadto sa ADSPPO isip anti-drug abuse focal person nga adunay pinakataas nga porsyento sa community-based drug rehabilitation program graduates.
Ang maong seremonya natapos alas 7:45 sa buntag, human sa pag paghatag ug giya sa maabtikong OIC, ADSPPO nga si Police Colonel Yahya Bustamante Yusup, pag-awit sa PNP Lingkod ng Bayan ug pagkuha ug litrato sa tanang awardees.
Kini subay sa learning and growth perspective sa PNP P.A.T.R.O.L Plan 2030, ubos sa objective nga pagpalambo sa usa ka takos, maayo nga kadasig ug adunay bili nga mga personahe sa pulisya ug kalabot sa programa sa pagbag-o sa organisasyon. (PRO 13/PIA-Agusan del Sur)
