Malampusong buy-bust
operation gipahigayon sa Bayugan, Agusan Sur
PROSPERIDAD, Agusan del Sur -- Ang mga personahe sa Bayugan Certified Crime Prevention Specialist (CCPS) ubos sa pagpangulo ni Police Colonel Yahya Bustamante Yusup, officer-in-charge, nagpahigayon og buy-bust operation ngadto sa Purok 10A, Lanzones St, Brgy. Poblacion, Agusan del Sur nga miresulta sa magmalampusong pagsikop ni alyas “Rambo,” 25 anyos, ulitawo, tricycle driver ug si alyas “Chou,” 40 anyos, ulitawo, tig-promote og furniture ug pareho nga lumulumpyo sa Brgy. Poblacion, Bayugan City, Agusan del Sur.
Mao kini ang mga nakumpiska sa kapulisan sulod sa operasyon nga ilang gipahigayon:
a. Lima
(5) ka piraso nga heat-sealed transparent plastic sachets na adunay sulod sa
gidudahang Shabu;
b. Usa
(1) ka piraso nga green na dagkot;
c. Usa
(1) ka piraso nga P1,000;
d. Usa
(1) ka unit nga puti ug blue Honda XRM motorcycle;
e. Usa
(1) ka unit nga Huawei Android Cellphone; ug
f. Usa
(1) ka unit nga Realme Android Cellphone.
Ang body search gipahigayon sa legal nga proseso kauban ang presensya ni Abraham H Trani, Brgy. kagawad sa Poblacion, Bayugan City, usa ka Media representative nga si Rey Alenton, ug si Jerome A Ramogas, Department of Justice (DOJ) representative.
“Salamat po sa ating Kapulisan sa Bayugan City Police Station sa matagumpay na operasyon sa pagdakip sa dalawang suspek sa ilegal na droga sa inyong area of responsibility. Sa ating komunidad nawa’y magtulungan po tayo upang masgugpo ang kriminalidad sa ating probinsya sa pamamagitan po ng inyong pagsumbong or pagbigay ng impormasyon sa kapulisan sa inyong lugar," matod ni PCol. Yusup.
Ang mga dinakpan nga suspetsado ug mga nasakmit nga butang anaa na sa kustodiya sa Bayugan CCPS alang sa tukmang disposasyon. Ang ahensiya nga nagpatuman sa balaod sinsero sa pagsiguro nga ang tanan nga kinahanglan nga mga pamaagi ug legal nga mga lakang gisunod aron mapadayon ang integridad sa kaso.(PRO13-Agusan del Sur Pulis/PIA-Agusan del Sur)
