Pagsunog
sa iligal na marijuana, malampuson sa Agusan Sur
LUNGSOD SA BUTUAN -- Gipangunahan mismo ni Police Brigadier General (PBGen.) Alan Molintas Nazarro, regional director sa Police Regional Office (PRO) 13 ang gipahigayon sa iyang unang command visit sa Agusan del Sur Police Provincial Office (ADSPPO) adlawng Biyernes, Mayo 24, alas 3:00 sa hapon nga gisundan sa usa ka seremonyal na pagsunog sa nakumpiskang iligal nga marijuana nga nadiskobrehang gitanom ngadto sa Sitio Damayon, Agusan del Sur-Bukidnon boundary.
Gitambongan ang nasangpit nga aktibidad ni Agusan del Sur Governor Santiago Barriga Cane Jr., kauban sila Vice Governor Samuel Tortor; Congressional Representatives Alfelito M. Bascug ug Adolph Edward G. Plaza; La Paz Mayor Michael D. Lim; Ofelia R. Puerto-Cabahug – presiding judge, Municipal Trial Court (MTC) sa Prosperidad Agusan del Sur; Dir. Charlene R. Magdurulang sa Philippine Drug Enforcement Agency (PDEA) Caraga; ug officer-in-charge sa Agusan del Sur Police Provincial Office (ADSPPO) PCol. Yahya B. Yusup.
Gisundan usab kini sa awarding sa mga personahe gikan sa ADSPPO – Provincial Intelligence Unit; 1st and 2nd ADS Provincial Mobile Force Company (PMFC); ug La Paz Municipal Police Station (MPS) mahitungod sa malampusong operasyon batok sa ilegal nga pagtanom sa marijuana diri sa Agusan del Sur. Natapos ang maong aktibidad human nga naghatag sa iyang mensahi si Nazarro ngadto sa mga personahe sa ADSPPO.
“Ako ay nagagalak na sa aking unang command visit dito sa Agusan del Sur, ako ay malugod na tinatanggap sa tagumpay na ito sa gitna ng ating walang humpay na paglaban sa ilegal na droga. Ito ang resulta ng pinagsamang pagsisikap ng Philippine National Police (PNP), Philippine Drug Enforcement Agency (PDEA), local government units (LGUs), at lahat ng stakeholders sa buong proseso,” sigon ni Nazarro sa iyang mensahe.
“Sa mga kalalakihan at kababaihan ng Agusan del Sur Police Provincial Office, patuloy na bigyang buhay ang ating motto: maglingkod at magprotekta. Mamuno tayo sa pamamagitan ng halimbawa at ipakita sa taumbayan na ang PRO13 ay binubuo ng mga tauhan ng PNP na may pinakamataas na kalibre,” dugang nga pahayag sa nasangpit nga opisyal. (PRO13-Agusan del Sur/PIA-Agusan del Sur)
