PDEA, uban pang ahensiya nagmalampuson sa buy-bust operation sa Agusan Sur
PROSPERIDAD, Agusan del Sur -- Niadtong Mayo 30, 2024 (Huwebes) sa alas 11:26 sa buntag, ang mga personahe sa Sta. Josefa Municipal Police Station (MPS) nagpahigayon og buy-bust operation kauban ang personahe sa San Francisco MPS, Regional Drug Enforcement Unit (RDEU 13) ug Philippine Drug Enforcement Agency (PDEA 13) ngadto sa Purok-4A, Brgy. 3, San Francisco, Agusan del Sur.
Kini miresulta sa magmalampusong pagsikop ni alyas “Jun-jun” nga usa ka street listed individual (SLI) - pusher, newly-identified illegal drug personality, 33 anyos, ulitawo, driver, college graduate ug lumulumpyo sa Purok 5, Bayugan 2, San Francisco, Agusan del Sur.
Mao kini ang mga nakumpiska sa kapulisan sulod sa operasyon nga ilang gipahigayon:
a. Tulo (3) ka piraso nga heat-sealed transparent
plastic sachets na adunay sulod sa gidudahang Shabu;
b. Usa (1) ka piraso nga aluminum foil strip;
c. Usa (1) ka piraso nga P500; ug
d. Usa (1) ka unit nga Vivo cellphone itom ug
color;
Sigon ni Police Colonel Yahya B. Yusup, provincial director sa Agusan del Sur Police Provincial Office (ADSPPO), ang body search gipahigayon sa legal nga proseso kauban ang presensya ni Brgy. Kagawad Arnel Napao, sa Brgy. 3, San Francisco, ADS; usa ka media representative nga si Jhong C. Boston, ug si Department of Justice (DOJ) representative Bernard E. Soliva.
“Salamat po sa ating Kapulisan sa San Francisco MPS sa matagumpay na operasyon sa pagdakip kay "Jun-Jun" at pagkompiska sa ilegal na droga. Sa ating komunidad nawa’y magtulungan po tayo upang masugpo ang kriminalidad sa ating probinsya sa pamamagitan po ng inyong pagsumbong o pagbigay ng impormasyon sa Kapulisan sa inyong lugar," matod ni PCol. Yusup.
Ang mga dinakpan nga suspetsado ug mga nasakmit nga butang anaa na sa kustodiya sa San Francisco MPS alang sa tukmang disposasyon. Ang ahensiya nga nagpatuman sa balaod sinsero sa pagsiguro nga ang tanan nga kinahanglan nga mga pamaagi ug legal nga mga lakang gisunod aron mapadayon ang integridad sa kaso. (PRO 13 Agusan del Sur Pulis/PIA-Agusan del Sur)
