Awarding sa mga deserving nga PNP personnel sa Agusan Sur, gipahigayon
PROSPERIDAD, Agusan del Sur -- Gipasidunggan ang mga personahe sa Agusan del Sur Police Provincial Office (ADSPPO) atol sa tradisyunal na pagsaka og bandila niadtong Mayo 27, kauban ang Provincial Women and Children Protection Desk (PWCPD) isip office primary responsible (OPR) na gipahigayon atubangan sa ADSPPO Building, Prosperidad, niining probinsiya.
Kini nga seremonya nagahatag og dungog sa mga istasyon sa pulis ug personahe nga nagpakita og dedikasyon sa ilang gipanumpaang katungdanan pinaagi sa paghatag og pagdayeg.
Alang sa Kalampusan sa Operasyon sa Mayo 13-19, 2024:
Top 1 –
Bayugan Component City Police Stations (CCPS)
Top 2 –
San Francisco Municipal Police Station (MPS)
Top 3 –
Prosperidad MPS
Gihatagan usab og sertipiko sa pagdayeg ang Trento MPS ug 2nd Agusan del Sur Provincial Mobile Force Company (ADSPMFC) isip Top 1 Kalampusan sa Operasyon sulod sa Mayo 13-19, 2024.
Human niini, naghatag usab og mensahe si Police Captain Henry L Dalit, diin iya gisaysay ang mga hagit nga iyang nasagubang sa iyang kinabuhi, iya gitapos ang mensahe sa pagbilin ug linya, "My story of triumph be an encouragement to you all to cultivate a deep sense of determination in your lives, and let it propel us toward ever greater heights of achievement and success.”
Si Police Lieutenant Colone (PLtCol.) Jude Cres G. Milan, nagpahibalo usab nga mamahimong priority sa tanan Police Community Relations (PCR) nga aktibidad ang mga retired PNP ug ilang dependents, iya usab gi-anunsiyo kung kinsa ang gusto muhatag og tabang alang nila muadto lamang sa Provincial Community Affairs and Development (PCAD) Unit. (PRO 13 Agusan del Sur Pulis/PIA-Agusan del Sur)
