Disaster office sa Dinagat Islands gipakusgan ang komunikasyon sa radio
Ang Emergency Telecommunications Cluster Summit 2024 malapusong gilusad sa Provincial Operation Center Building, Brgy. Sta Cruz, San Jose, Dinagat Islands niadtong Hunyo 5.
Tumong niini nga maedukar ang mga radyo enthusiast gikan sa nagkadaiyang buhatan og ahensya sa responsabling pagamit sa VHF (very high frequency) og mga radio base isip komunikasyon hilabina sa mga pagresponde panahon sa kalamidad og emerhensya.
Atol sa iyang pakigpulong, gipasabot ni Gov. Demerey ang pag pasalamat sa mga nialayon niini nga kalihukan diin importante alang sa opisyal isip amahan sa probinsya nga mahilikay ang mga Dinagatnon sa posibling kadaot sa kaugalingon og propidad panahon sa kalamidad. Dako ang pagtuo sa gobernador nga pinaagi sa epiktibo og tukma nga binayloay sa impormasyon ang usa sa pinaka proteksyon sa katawhan.
Si National Telecommunications Commission (NTC) Caraga, Engr. Wardee A. Cabaraban, mipasabot sa proseso sa pagdala sa VHF radio, basic communication, ug basic maintenance niini nga mga ekipos, ge -edukar usab ni Cabaraban ang mga detalye likod sa mga responsibilidad og kahimuan sa NTC.
Gipasabot usab niini ang pagproseso sa radyo operators permit ug certificate diin kini usa ka instrumentong sulat nga gi issue sa NTC ngadto sa mga kwalipikadong indibidual kinsang dokumento magamit sa operisyon radio station.
Gipakita niini ang mga penalties sa indibiduwal nga musupak sa balaod ilalom sa RA No. 3648, sama sa illegal nga pag operate sa radio station, illegal nga pagpalit og mga VHF radio, pag operate niini nga walay lisenya, ug uban pa.
Gipakita usab ang equipment sama sa, GECS move hub ug GECS move depot diin usa ka equipment nga may dakong kapasidad sa paghatag ug signal bisan sa panahon sa kalamidad og emerhensya.
Samtang komprehinsibo usab nga gipasabot ni Provincial Information Officer, Jauzz M. Edera, LPT, ngadto sa uban pang information officers ang mahitungod sa epiktibong pagdumala sa impormasyon isip public information managers diin usa niini ang paghatag ug hinsakto, tukma og kasaligang impormasyon sa publiko.
Si Rosario Jra. R. Alon, provincial DRRM officer, mipaabot sa iyang welcome message agi'g pasalamat sa buhatan sa DICT Caraga, ug NCT Caraga nga nialayon sa maong programa, ug sa tanan partisipante niini. Gipasabot ni Alon ang importansya sa mga pinaka bag-ong teknolohiya kinsa mao ang masaligan og paspas nga instrumento sa komunikasyon.
Anaa ang presinsya sa programa ang mga buhatan sama sa Provincial Disaster Risk Reduction and Management Office (PDRRMC), Bureau of Fire Protection (BFP), Philippines National Police (PNP), Dinagat Islands Provincial Police Office (DIPPO), Provincial Information Office (PIO), Office of Civil Defense (OCD), Department Information and Communication Technology (DICT), Remedy Action Center (RAC), Philippine Army - reservist, Recon-Inc., Philippine Coast Guard (PCG), Armed Forces of the Philippines (AFP), Dinagat Islands Search and Rescue (DISAR), pito ka lungsod sa probinsya ug uban pa. (PIO-PDI/PIA-Dinagat Islands)
