Pinakaunang human milk hub sa Caraga, gi-inagurahan
PROBINSIYA SA AGUSAN DEL SUR -- Gipangunahan ni Gob. Santiago Cane Jr. ug ni Dr. Rui Paulo de Jesus gikan sa World Health Organization (WHO) ang inagurasyon sa Care for Small Babies Unit ug ang pinakaunang human milk hub sa Caraga region, didto sa D.O. Plaza Memorial Hospital (DOPMH) sa Patin-ay, Prosperidad, Agusan del Sur, niadtong Hunyo 13.
Ang bag-ong pasilidad, nahimong posible pinaagi sa gi-donar nga mga ekipo sa WHO-Philippines.
“This project is dedicated to improving the care and outcome for premature and low birth weight infants. By providing specialized care and support, we aim to give most vulnerable babies to be able to survive the most critical period of their lives,” pahayag ni Dr. De Jesus.
Gilaumang maserbisyohan sa maong pasilidad ang bag-ong himugso nga dunay neonatal illnesses, mga premature, ingon man ang mga inahan nga walay kapasidad makapasuso aron mahatagan og human milk ang ilahang anak.
“Human milk for newborn baby is important for their brain and physical developments. It is important that all the babies born in Agusan del Sur, regardless of where they come from, must have sufficient amount of mother’s milk even if their own mothers could not produce milk,” matud sa gobernador.
Mapasalamaton si Cane sa donasyon sa WHO-Philippines ug mipamahayag og hugot nga suporta para sa trainings sa mga health personnel nga mopadagan sa pasilidad.
“For what use are good facilities if there are no capable people who will run and operate it. Our health personnel may lack the capability to run this but I assure you, if they will give me the recommendation for training, I will approve the request no matter how many they are,” dugang ni Cane.
Mitambong usab sa maong higayon sila Sangguniang Panlalawigan members Gina Ceballos, Avalota Cejas, Pamela Yucosing ug Joseph Plaza.
Usa ka dakong kalambuan sa paghatag og dekalidad nga serbisyo sa DOPMH ang maong bag-ong pasilidad diin mapasalamaton si Provincial Health Officer Jacqueline Frances Momville ug si DOPMH Acting Chief of Hospital, Dr. Jerald , sa maong donasyon. (PPIO-Agusan del Sur/PIA-Agusan del Sur)
