Media center sa San Francisco, na-turn over na sa Agusan Press Corps
AGUSAN DEL SUR -- Na-turn over na ang Agusan Media Center sa mga miyembro sa Agusan Press Corps sa San Francisco, Agusan del Sur, diin gitambungan kini sa mga opisyales sa Agusan del Sur Police Provincial Office (ADSPPO).
Isip paghatag og dakong suporta sa mga kaubanan sa media, gitambongan ni Police Colonel Yahya Bustamante Yusup, provincial director ang gihimong turn over og blessing sa Agusan Media Center nga gipahigayon sa Purok 3B, Barangay 1, San Francisco, Agusan del Sur.
Dako ang pasalamat ni Richard Grande, presidente sa Agusan Press Corps, sa mga mitabang kanila para ani nga proyekto. Magpadayon matud pa ang ilang mga kalihokan sa katilingban hilabi na sa pag-sibya sa mga balita.
Gihimo ang seremonya sa pagbasbas ug blessing sa nasangpit nga imprastraktura sa pagpanguna ni Pastor Mix Oraiz og gisundan dayun kini sa mga mensahe sa mga lokal na lider sa lungsod na sila Arth Ryan Palabrica, Vice Mayor Vinz Rufila, Jhong Cadiz nga parehong Sangguniang Bayan members, Reygela Decalit, Probe Media Foundation Inc. (PMFI) executive director og ang provincial director.
Tungod niini, aduna nay opisina ang press corps ug dili na sila matad pa maglisod kung ogling adunay pagahimuon nga panagtigum ug panaghisgot sa mga balita sa probinsiya.
“Ang pagkakaroon po ng first media center dito sa probinsya na inilunsad dito sa lungsod ng San Francisco ay nagbibigay inspirasyon para sa ating mga kapulisan na mas paigihin pa ang pagpapatupad ng aming sinumpaang tungkulin para maitampok naman dito sa inyong stasyon ng sa gayon ay mabatid ng komunidad na puspusan po Ang pagsasagawa ng aming operasyon para mas lalo pa nating mapanatili ang kapayapaan at kaayusan sa Agusan del Sur," pahayag ni Yusup. (PRO13-Agusan del Sur Pulis/PIA-Agusan del Sur)
