Lain-laing stakeholders mi-partisipar sa basketball game sa Agusan Sur
PROSPERIDAD, Agusan del Sur -- Pormal nga gi-abrehan niadtong July 6 ang 1st Police Colonel (PCol) Yahya Bustamante Yusup Invitational Basketball Game 2024 nga nagsugod usab niadtong Hulyo 5 hantod Hulyo 16 nga giduyugan ni Bayugan City Mayor Kirk Asis, isip guest of honor and speaker nga gipahigayon sa Agusan del Sur Police Provincial Office (ADSPPO) covered court, Camp Democrito O. Plaza, Patin-ay, Prosperidad, niining probinsiya.
Gisugdan ang maong programa pinaagi sa pag-ampo og gisundan dayun kini sa usa ka welcome remarks ni Police Lieutenant Colonel (PltCol.) Bonifacio C. Estrella Jr, deputy provincial director for administration.
Mao usab kini ang mga opisyal nga partisipante sa nasangpit nga kompetisyon: ADSPPO Ballers Club, 1st Agusan del Sur Provincial Mobile Force Company (ADSPMFC), 2nd ADSPMFC, San Francisco Black Dawn, Local Government Unit (LGU) Search and Rescue (SARAS), Team Doc Pineda, 544th Engineering Brigade og Special Forces Battalion sa Philippine Army.
“Ako po ay lubos na naniniwala na ang pagkakaroon ng ganitong klase ng event ay napapanahon sapagkat sa pamamagitan nito, mas lalong mapapatibay ang relasyon ng iba’t ibang ahensiya dito sa ating probinsiya,” mensahe ni Mayor Asis.
Ang maong aktibidad gipahigayon isip selebrasyon sa kapistahan sa Lady of Mt. Carmel.
Ang mamahimong kampyon makadawat og P150,000, ang 2nd makakuha og P100,000, ug ang 3rd maka-angkon og P50,000. (ADSPPO Pro13-Agusan del Sur Pulis/PIA-Agusan del Sur)
