Rescuelympics sa Dinagat Islands, nagmalampuson
.jpg)
DINAGAT ISLANDS -- Mabibo, Masadya, ug malampuson nga natapos ang tulo ka adlaw nga aktibidad sa Provincial Disaster Risk Reduction and Management Council (PDRRMC) - Dinagat Islands, nga mao ang 11th Rescue Summit: Rescuelympics and Response Exercises, diin subay sa pag-obserbar sa National Disaster Resilience Month (NDRM) 2024, nga adunay tema nga, “Bantayog ng Katatagan at ang Pagbubuklod sa Layuning Kahandaan,” nga gipahigayon didto sa Brgy. Mabini, Tubajon.
Sa unang adlaw niini aduna’y gipahigayon nga motorcade ug pagkagabie mao ang boodle fight; ikaduhang adlaw mao ang Zumba and Reveille, Basic Tour Guiding, Triaging Contest, Rescue Relay ug Modern Sayawitan; ug sa ikatulo nga adlaw mao ang Response Group Exercises on Maritime Incident and Vehicular Incident, ug pagkagabie niini gipahigayon ang fellowship night and awarding ceremony.
“How resilient are we in the many risks and hazards that we face everyday? Kaning gihimo nato ron sa resilience sa NDRM, nagpamatuod nga despite sa Super Typhoon Odette ug unsa pana diha, kaya na gyud nato mubarog, kaya nato morecover, even better,” maoy gipalanog nga mensahe ni OCD-Caraga RDRRMC Chairperson ug Regional Director Liza R. Mazo, CESO V, atol sa fellowship night, diin dugang pa niini nga nahimo kini nga aktibidad aron pagpreparar sa mga rescuer ug responder sa mga dili matagna ug mga umaabot nga kalamidad, ug mihatag sab kini sa iyang dako ang appreciation ngadto sa PDRRMC - Dinagat Islands nga gipangunahan ni PDRRM Officer Rosario Jra. Roxas-Alon, sa malampuson nga aktibidad, ilabi na sa mga rescuer ug responder gikan sa unom ka MDRRM Office diri sa probinsya sa ilang aktibo nga pagpartisipar.
.jpg)
Mapasalamaton usab si OCD Caraga Capacity Building and Training Section Chief Marc Gil P. Calang, sa mga positibo nga impressions nga gihatag sa mga representante gikan sa managlahing MDRRM office ug national line agencies, ug dugang pasalamat usab niini ngadto sa mga partisipante sa paghatag sa ilang kusog, kahibalo, effort o pag paningkamot nga mahimong magmalampuson ang gipahigayon nga 11th Rescue Summit: Rescuelympics and Response Exercises 2024.
Ang tulo ka adlaw nga kalihukan aktibo usab kini nga gipartisiparan sa Dinagat Islands Search and Rescue (DISAR) Cagdianao, DISAR Basilisa, DISAR Tubajon, DISAR Dinagat, DISAR Loreto ug DISAR Dinagat, gisuportahan usab kini sa mga National Line Agencies sama sa BFP, PCG, PNP, ug Philippine Army 1505th CDC, mga personahe Philippine Emergency Telecommunication Search and Rescue Action Group (PETSARAG) - Agusan nga mao si Engr. Dante D. Sayon, inubanan ni Ringo F. Aratea, ug mga personahe sa PDRRMC-Dinagat Islands. (PIO-PDI/PIA-Dinagat Islands)
