Kapulisan sa Agusan Sur naghatag og wheelchair, food items sa police retirees
PROSPERIDAD, Agusan del Sur -- Ang kapulisan sa Agusan del Sur Police Provincial Office (ADSPPO) sa pagpanguna ni Provincial Director Police Colonel Yahya Bustamante Yusup nga girepresentahan ni Police Lieutenant Colonel Jude Cres G. Milan, hepe sa Police Community Affairs and Development Unit (PCADU), uban ang personahe sa Esperanza Municipal Police Station (MPS) sa pagpanguna ni Police Captain Saldy Maestre malampusong nagpahigayon og pagpanghatag og wheelchair ug food items ngadto kay Felix Bascug Aya-ay, usa ka Philippine National Police (PNP) retiree sa Purok 1 sa lungsod sa Esperanza.
Lakip usab sa mga gipanghatag ang mga mosunod: 1) grocery food packs nga nagkantidad ug P1,500; ug 2) half sack of rice ug multivitamins gikan sa Esperanza MPS; ug wheelchair gikan sa local government sa Esperanza.
Sa lain usab nga bahin, si PLt. Anabelle Celino, Family, Juvenile and Gender and Development (FJGAD) police commissioned officers (PCO), kauban ang personahe sa Trento MPS naghatag usab ug wheelchair ug food items kay Rogelio F. Samuya ug Mayorico D. Vidal, pareho nga mga police retiree ug lumulupyo sa Trento.
Lakip usab sa mga gipang hatag ang mga mosunod: 1) food items ug half sack rice gikan sa Trento MPS nga gipangunahan ni Police Major Carmelo Malubay; ug 2) wheelchair gikan sa local government sa Trento.
Ang malampusong aktibidad gilangkuban og gisaksihan sa Kabataan Kontra Droga (KKDAT) Esperanza ug Trento chapters, gikoberan usab kini sa medya sa Esperanza ug Trento ning probinsya sa Agusan del Sur.
“Para po sa ating magiting na Kapulisan sa kanilang panahon, isa po ito sa paraan ng aming pagpapasalamat sa inyong dedikasyon at serbisyo sa komunidad nung kayo'y nanunungkulan pa, konti man ito pero galing po ito sa kaibutod butoran ng aming puso, nawa'y magamit nyo po ito sa pang-araw araw lalo na ang wheelchair,” saysay pa ni PCol. Yusup. (PRO13-Agusan del Sur Pulis/PIA-Agusan del Sur)
