29 indibidwal mipailalom sa cybersecurity awareness data privacy orientation
DINAGAT ISLANDS - Alang sa pag palambo sa kahibalo, pag protektar sa mga data files, Facebook account, ug pag likay nga mabiktima sa cybercrime, gipahigayon ang cybersecurity awareness data privacy orientation niadtong Hulyo 30 sa People's Hall, Yamashiro Building, Capitol, Cuarinta, San Jose, Dinagat Islands nga gi-pasiugdahan sa buhatan sa Department of Information and Communications Technology (DICT), sa pag dumala ni Provincial Officer Menkent Barcelon.
Han-ay nga gipasabot ni Barcelon ang mga topiko sa programa sama sa, introduction to cybersecurity, common treats and vulnerabilities, securing network and devices, incident response and best practices nga sentro sa programa nga komprehensibong nasabtan usab sa mga partisipante.
Ang cybersecurity usa ka praktis sa pag protektar sa system, network, organization, personnel and program batok sa mga digital attacks ug uban pa. Nasayran usab nga importante ang cyber awareness aron makunhuran ang resgo sa cybersecurity. Atol niini gipasabot usab ug unsa ang gitawag nga cyberspace, lakip ang common advantages niini sama sa access to education and information, entertainment and creativity, information sharing and collaboration, ug e-commerce and online business.
Sa susamang bahin, gipadayag usab ang kabahin sa incident response and best practices nga mao ang preparation, identification, analysis, containment, ug eradication. Lakip usab nga natuki niini nga oryentasyon mao ang mahitungod sa Security Information and Event Management System (SIEMS), engon man ang ka-importante sa kapasidad niini sa pag-imbistigar sa milabay nga pang hitabo.
Gituki usab ang mahitungod malwares
lakip ang mga type ug prevention niini, ingon man ang mga klasi sa hackers nga
hinungdan sa pagka daot sa mga Facebook accounts, data, ug uban pa.
Mikabat sa 29 ka ihap nga indibiduwal gikan sa nag kadaiyang buhatan ang mipailalom niini nga orientation nga gilusad sulod sa 8 ka oras.
Aktibong mipartisipar niini ang mga buhatan sama DICT Caraga, Provincial Information Office (PIO), Provincial Governors Office (PGO), Provincial Vice Governor’s Office (PVGO) ug uban pang buhatan ug mga empleyado sa kapitolyo. (PIO-PDI/PIA-Dinagat Islands)
