33rd BFP Anniversary Pass-In-Review, malampuson
DINAGAT ISLANDS - Ang probinsya sa Dinagat Islands ilalom sa pag dumala ni Gov. Nilo P. Demerey, Jr., GSC, MPM, ug ni Vice Governor Benglen B. Ecleo, pinaagi sa buhatan sa Bureau of Fire Protection (BFP), nag pahigayon sa ika-33rd BFP Founding Anniversary Pass-In-Review Program o Pasa-Masid nga may temang," Bomberong Bayani ng Bayan Maasahan Para sa Kaligtasan ng Mamamayan, "nga gipahigayon niadtong Agosto 5 sa Barangay Cuarinta, San Jose, Dinagat Islands.
Atol sa programa, gipasundayag ang pag martsa nga gipangunahan sa BFP, Provincial Disaster Risk Reduction and Management Office (PDRRMO), rescuers, criminology interns sa Don Jose Ecleo Memorial College (DJMC), ug Bagsic Diwa sa lungsod sa Dinagat.
“Fire fighters never die, they are born forever in the heart of the people
whose mission is to save lives,” kini ang unod sa mensahi nga gipadayag ni Gov.
Demerey isip pagdasig sa mga bombero para ipadayon ang ilang dedikasyon sa
serbisyo.
Dugang pa sa gobernador nga kinahanglan sa katawhan ang presinsya ug proteksyon sa mga bombero diin sila kanunay ang nagpahimangno sa mga angayang buhaton para malikay sa sunog ang mga lumolopyo.
Sa iyang bahin , si FSINSP Bobby U. Arena Jr., acting provincial fire marshal, mipasabot nga unang higayon kini nga mipartisipar ang Dinagat Islands sa kompetisyon sa Pass-In- Review nga haum sa ika 33 ka tuig nga kasaulogan sa anibersaryo niini. Gidasig usab ni Arena ang mga bombero sa pag padayon sa maayong pag-serbisyo sa katawhan isip usa ka ehimplo sa responsabling serbisyo publiko.
Isip kabahin sa opisyal nga pagtapos, gipasidunggan ug plaque and certificate of appreciation agi'g pag supporta sa 1st BFP Caraga Pass-In- Review Competition sila Demerey, Vice Gov. Ecleo, PDRRM Officer Rosario Jra. R. Alon, Punong Barangay Marieto B. Gajelloma sa Cuarinta, Joel S. Suarez Jr., ug uban pa.
Anaa usab niini nga programa ang presinsya nila Provincial Board Member, Errol Conrad B. Dela Cruz, Ali P. Adlawan, engon man ang buhatan sa Philippine Coast Guard (PCG), Philippine National Police (PNP), Philippine Army (PA), lakip ang mga opisyalis og empleyado sa panggamhanang probinsyal sa Dinagat Islands. (PIO-PDI/PIA-Dinagat Islands)
