Paggamit sa mun’l gym, stalls sa Jabonga anaa nay bayad
DAKBAYAN SA BUTUAN -- Ipatuman na sa lungsod sa Jabonga , Agusan del Norte ang bag-ohay pa lamang naaprobahan nga Municipal Ordinance No. 194-2024 o “An Ordinance Providing Fees and Charges on the usage of Municipal Gymnasium and Stalls within its premise located at Poblacion, Jabonga, Agusan del Norte.”
Ang maong ordinansa nga gipanginahanan ni Sangguniang Bayan Member Joejet M. Carsula, gi-deklarang balido sa Sangguniang Panlalawigan sa Agusan del Norte atol sa ika-94 regular sesyon niadtong August 6, 2024.
Basi sa komitiba nga ang nahisgutang balaod gikan sa Sangguniang Bayan sa Jabonga, ning lalawigan, nagtinguha sa paghatag og mga polisiya alang sa operasyon sa ilang municipal gymnasium ug mga stalls ug paghatag ug mga guidelines ingon man mga regulasyon alang sa paggamit niini ug pagpahamtang sa mga bayronon.
Rental rates sa gym og stalls:
1. Gymnasium
a. Day use- Ordinary Day Use (without
electricity)-P400; Day Use (School Event/Sports Practice/with
Electricity)-P700; Day Use Ordinary Event (with electricity and sound
system)-P2,000; Day Use special Event (with electricity, sound system and LED
wall)-P4,000.
b. Night use - Night Use Ordinary Event
(with electricity and sound system/ 5:01PM-12:00MN)-P2,000 ; Night Use Special
Event (with electricity, sound system and LED wall/ 5:01PM-12:00MN) -P4,000.
2. Stalls
Small stall - P7,000 (goodwill
fees); P350 (weekly rental)
Big stall – P15,000 (goodwill
fees); P490 (weekly rental)
Striktong gidili ang pag-inom sa ilimnong makahubog sulod sa gym lakip na ang pag-stambay sa sulod, pagpanigarilyo, pagsugal, pag-videoke o pagdula og video games.
Gi-aprobahan ang maong ordinansa pinaagi sa Sanggunian Resolution No. 345-2024 sa pagpangamahan ni Bokal Francisco Y. Chan, Jr., tsirman sa Committee on Ways and Means kauban ang mga co-authors nga sila Bokal Rodulfo A. Pitogo ug Erwin L. Dano. (PLGU-Agusan del Norte/PIA-Agusan del Norte)
