Dinagat Islands population office nipahigayon ug Barangay Population Volunteers Congress
DINAGAT ISLANDS - Ang probinsya sa Dinagat Islands nga gipangulohan ni Governor Nilo P. Demerey Jr. pinaagi sa buhatan sa Provincial Population Office (PPO), sa pag dumala ni, Provincial Population Officer Lucio P. Mercado Jr., malampuson nga nipahigayon sa ika -13th Barangay Population Volunteers (BPV) Congress niadtong Agosto 15 sa Provincial Emergency Operations Center Building, Santa Cruz, San Jose, Dinagat Islands.
Gisugdan ang programa sa pamukas nga mensahi ni Mercado agi'g pag dawat sa tanan partisipante nga niduyog sa programa. Atol sa programa, si Gov. Demerey ni padayag ug mensahe agi'g pasalamat sa mga barangay population volunteer (BPV) sa nag kadaiyang municipality sa pag tabang, supporta, ug serbisyo alang sa katawhan ug sa kumunidad, hilabina sa buhatan sa Provincial Population Office (PPO) sa Dinagat Islands nga nag dumala sa maong programa.
Samtang suportado usab ni Demerey ang programa sa Responsible Parenthood Family Planning agi'g pag edukar sa katawhan ilabina na sa mga kababayin-an mahitungod sa family planning aron makunhuran ang mg ana-unang suliran sa katilingban sama sa teenage pregnancy.
Sa susamang bahin, gisugyot ni Demerey ang proyekto sa programang edukasyon, agrikultura, insprastraktura ug patubig nga paga punduhan, engon man ang paga buhatong airport ug tulay nga magkonektar sa Dinagat Islands ug Surigao city alang sa paspas og komportabli nga pagbyahi. Gipaabot usab niini ang impormasyon sa pagsugod sa usa ka proyektong imprastraktora nga mukabat sa P341 milyon alang pag seminto sa dalan gikan sa mga barangay sa Sering, Roma, Montag paingon sa Plaridel sakop sa lungsod sa Libjo alang sa daling transportasyon sa mga katawhan.
Gisugyot usab sa opisyal ang pag tabang sa mga bilanggo pinaagi pag pahigayon ug medical mission, ug pag suporta sa mga pamilya niini, lakip ang medical assistance alang sa libreng pagpaospital. Ang hugot nga pakig-alayon sa mga opisyalis sa ang usa sa mga rason alang sa padayon progreso sa probinsya ilabi na ang kooperasyon sa Sangguniang Panlalawigan nga gidumala ni Bise Gov. Benglen B. Ecleo.
Si Provincial Board Member Gwendolyn B. Ecleo - Pols mapa salamaton sa nahitabong pag kunhod sa teenage pregnancy sa probinsya sa Dinagat Islands. Lakip niining gipadayag ang dugang kantidad nga P500 agi'g allowance sa mga barangay volunteers nga nag-serbisyo sa kumunidad sulod sa usa ka gatos ka barangays.
Atol usab niini nga adlaw, han-ay nga gipasabot ni Department of Health – Center for Health Development (DOH-CHD) Caraga Family Planning Coordinator Alconcita T. Portullano ang orientation on Family Planning and Responsible Parenthood Reproductive Health Law. Samtang gipasabot usab ni Mercado ang mahitungod sa familiarization on PPPA- POA Roadmap on Population Development Localization.
Si Commission on Population and Development (CPD) Caraga Dir. Alexander A. Makinano nag pasalamat ngadto ni Mercado isip aktibong population officer nga nag lihok sa implementasyon sa mga programa alang sa probinsya, ingon man ngadto sa mga BPV sa partisipasyon ug dedikasyon sa trabaho.
Sa laing bahin, gihisgutan usab ang mahitungod sa Philippine Population and Development Plan (PPDP) diin tumong niini ang Planado, Matatag at Maginhawang Pamilyang Pilipino. Agi'g dugang lingaw sa programa, gi-pahigayon ang pa raffle draw diin ang mananaog nga municipality mamahemong maka dawat ug lima ka kilo nga bugas.
Gipasidunggan ug certificate of appreciation ang mga opisyales ug bisita, ingon man ang pipila ka indibiduwal nga studyante sa tunghaan sa San Jose Central Elementary School, ug Don Jose College sa pag partisipar sa Isla Musika chorale production. (PIO-Dinagat Islands/PIA-Dinagat Islands)
