Cooperative Congress sa Dinagat Islands, nagmalampuson
DINAGAT ISLANDS - Ang pangamhanan sa probinsya sa Dinagat Islands ilalom sa pag dumala ni Governor Nilo P. Demerey Jr., MPM, kauban si Vice Governor Benglen B. Ecleo, MAEd, pinaagi sa buhatan sa Provincial Cooperative Development Office (PCDO), sa pag dumala ni Alvin B. Dela Cruz malampusong ni pahigayon sa ika-6th Dinagat Islands Cooperative Congress niadtong Oktobre 4 sa gymnasium sa Barangay Aurelio, San Jose, Dinagat Islands.
Ang aktibidad nga may temang, "Stronger Together Today for a Brighter Tomorrow, " gitambungan sa ubay-ubay nga mga kooperatiba ning probinsya sama sa Dinagat Agrian Reform Beneficiaries Cooperative, Little Baguio Multi-purpose Cooperative, Community-based Humane Integrated Professional Service Cooperative, San Jose Municipality Market Vendors Multi-purpose Cooperative, Panamaon Multi-purpose Cooperative, Justiniana Edera Agrarian Reformed Cooperative, Coastal Area Management for Environment-ARB Cooperative, Panikian Multi-purpose Cooperative; News Multi-purposed Cooperative, Diaz Multi-purpose Cooperative, Self Reliance Agra Multi-purpose Cooperative, Mahayahay Multi-purpose Cooperative, San Jose Municipal Official and Employees Multi-purpose Cooperative, Cortes Multi-purpose Cooperative, PBMA Dinagat Islands Cooperative, Jacquez Agra Multi-purpose Cooperative, Don Ruben Ecleo Multi-purpose Cooperative, Dinagat Islands Multi-purpose Cooperative, ug uban pang kooperatiba.
Gisugdan ang programa sa pamukas nga mensahe ni Provincial Agriculturist Rico B. Galinato ug inisyatibong ning padayag sa kalipay agi'g panag tapok alang sa pag pahigayon sa ika- 6th Dinagat Islands Cooperative Congress diin kini nga kalihukan nagpa matu-od sa pag lantaw sa maayong kaugmaon sa pamilya ug sa kooperatiba ingon man sa tanang Dinagatnon. Gi-awhag niini nga padayon ang kakugi, kadasig ug kalig-on alang sa koperatiba diin ang pag lambo sa mga kooperatiba mao usab ang pag lambo sa tanang Dinagatnon.
Atol sa programa, si Gob. Demerey sa iyang mensahe nag-ingon nga kini nga kalihukan usa ka lakang nga gehimo ang kooperatiba sa tumong nga mahaw-as sa kalisod ang katawhang Dinagatnon, ug importante ang pakig timbayayong sa usag-usa alang sa kauswagan sa kooperatiba, komunidad, ug tibook probinsya.
Gipasabot usab sa gobernadora nga tungod sa kooperatiba ug pakig timbayayong sa katawahan, mikabat sa 8.4% nga pag-kunhod sa ka-pobrehon sa probinsya sa Dinagat Islands sukad niadtong tuig 2022- 2024. Sa susamang higayon, gisugyot usab nga pakusgan pa ang turismo ug agrikultura alang sa mas malambuon pa nga probinsya.
Samtang si Bise Gob. Ecleo komprehensibong ning padayag sa katawhan nga epadayon ang panag hiusa sa maayong pang lantaw sa kalambuan sa kooperatiba ug sa komunidad pinaagi sa pag tinabangay sa ugsa-usa. Gi pang hinaot ang malampusong pag pahigayon sa ika-6th Dinagat Islands Cooperative Congress.
Si Anecita O. Unson, CDA Caraga Assistant Regional Director, han-ay nga ni padayag sa tumong ug kalihukan kauban ang mga miyembro sa kooperatiba nga putlon ang ka pobrehon, ug tabangan ang matag-usa nga mahaw-as sa gisagubang nga kalisod sa kahimtang. Gi padayag usab niini ang pakig hiusa ug pag timbayayongay alang sa kalambuan sa kooperatiba ug sa katawhan. Gi-awhag ang kaigsuonan nga wala pa nagpa miyembro sa kooperatiba nga magpa-miyembro na.
Sa laing bahin, gipasidunggan ug trophy and cash ang 2024 Most Outstanding Cooperative sa Dinagat Islands, apil man ang Ruben E. Ecleo Sr. Bayanihan Cooperative Award. Gipasidunggan usab ug certificate of participation ang mga miyembro sa kooperatiba.
Anaa usab ang presinsya sa programa si Provincial Assistant Administrator Conchita Macalua, Board Members Errol Conrad B. Dela Cruz ug Ali P. Adlawan, mga national line agencies, PDC members, ug mga buhatan sa Kapitolyo sama sa Provincial Governors Office (PGO), Provincial Vice-Governor’s Office (PVGO), Provincial Information Office (PIO), Provincial Cooperative Development Office (PCDO), Office of the Provincial Agriculturist (OPAg), Assistant Provincial Administrator Office, Provincial Human Resource Management Office (PHRMO) ug uban pa. (Andres S. MaluΓ±as, PIO-PDI/PIA-Dinagat Islands)
