Selebrasyon sa ika-17 ka tuig sa DepEd sa Dinagat Islands, nagmalampuson
DINAGAT ISLANDS – Malampuson ang pagselebrar sa ika-17 nga Founding Anniversary sa Schools Division Office (SDO) sa Dinagat Islands nga gipangulohan ni Schools Division Superintendent Florence E. Almaden, CESO VI, niadtong Oktubre 7-8 didto sa Cagdianao Cultural Sports Center, lungsod sa Cagdianao, sakop ning probinsya.
Ang selebrasyon nga may temang, “17 Bugsay Years of Steering Quality Education for Dinagatnon Learners,” gisugdan sa usa ka mesa nga gipangunahan ni Fr. Nicholas Penados, ug gisundan sa usa ka motorcade nga aktibong gipartisiparan sa kapin 2,000 ka mga magtutudlo gikan sa pito ka lungsod ning probinsya.
“As we celebrate the 17th Founding Anniversary of the Department of Education (DepEd) in Dinagat Islands, we look back with great pride to the progress we have made, and the challenges we have overcome. This is Dinagat Islands Division where education leads the opportunity, and dreams are set in motion. Let us continue to serve for a brighter future of every learner in the province,” maoy pamukas nga mensahe ni Assistant Schools Division Superintendent Bryan L. Arreo, PhD.
Sulod sa duha ka adlaw nga aktibidad aduna’y gipahigayon nga recognition of the DepEd Dinagat Islands retirees, DepEd Dinagat Islands Got Talent, launching of Comprehensive Sexuality Education - Adolescent Reproductive Health (CSE-ARH), School-Based Immunization Program and MOA signing, mass oath-taking sa newly hired teaching-related and non-teaching employees, State of the Division Address, ug DepEd Dinagat Islands Gala Night diin gipasundayag sa mga magtutudlo ang ilang mga pasabog nga performances.
Aduna usab gi-andam sa SDO-Dinagat Islands nga pa anniversary raffle sama sa motorcycle nga Aerox nga gidonar sa provincial government of Dinagat Islands ilawom sa pagdumala ni Governor Nilo P. Demerey Jr., MPM, ug Mio nga gidonar sa RJV Construction and Supply, bao-bao unit, refrigerator, rice cooker ug uban pang gamit sa panimalay isip pasalamat sa mga magtutudlo sa ilang makanunayon nga serbisyo sa mga estudyante’ng Dinagatnon.
‘Today, as we gather here, let our hearts and mind be centered for the welfare of our Dinagatnon learners. For the love of teaching, we are one big happy family in Dinagat Islands. Let this occasion be a reminder to all of us for the significant growth not only as teachers, as educators, but also as partners to our stakeholders. May we continue to learn from one another,” maoy gipalanog nga mensahe ni Almaden ngadto sa mga magtutudlo.
“Padayon sa pagdasig; Padayon sa pagtudlo; Padayon sa paghigugma sa atong profession; Padayon sa paghigugma sa mga batang Dinagatnon,” dugang pa nga mensahe ni Almaden sa mga magtutudlo sa probinsya.
Aduna usab pahalipay nga gihatag ni Executive Assistant IV Marichu M. Demerey, RN, ngadto sa mga magtutudlo pinaagi sa usa ka raffle diin napulo kanila ang midawat sa nagkantidad nga P1,000 matag usa.
Ang Ika-17 nga Founding Anniversary sa Schools Division Office sa Dinagat Islands gitambungan kini sa mga magtutudlo gikan Albor I District, Albor II District, Dinagat District, Loreto District, Rizal I, Rizal II, San Jose, Tubajon District, Cagdianao East District, Cagdianao West District; Board Members Jocelyn Relator, Ailong Dela Cruz, Anna Lyn Dialde, Amor Alcaria, ug Carlos Bua; Cagdianao Mayor Marc Adelson D. Longos, Tubajon Mayor Fely Pedrablanca, ug Chief ES-CID Lope C. Papeleras, PhD.
Samtang, sa ikaduha'ng adlaw sa maong aktibidad mitambong si Gov. Demerey ug mipadayag kini sa iyang dako nga pasalamat ngadto sa mga magtutudlo sa ilang walay pu-as ug kinasing-kasing nga pagserbisyo alang sa kalambuan ug kalampusan sa mga estudyante'ng Dinagatnon. (Alrose Emperado Pis-o, PIO-PDI/PIA-Dinagat Islands)
